POP 5

Lajmet më të lexuara të 5 minutave të fundit

Politikë

30 shtatori afati i fundit që kanë bizneset e mëdha për të paguar këstet e tatim fitimit

Bizneset e mëdha duhet të parapaguajnë këstet e tatim fitimit për muajt Korrik, Gusht, Shtator brenda  datës 30 Shtator 2020.

30 shtatori afati i fundit që kanë bizneset e mëdha për të paguar këstet e tatim fitimit

Bizneset e mëdha duhet të parapaguajnë këstet e tatim fitimit për muajt Korrik, Gusht, Shtator brenda  datës 30 Shtator 2020.

Për këtë arsye Drejtoria e Përgjithshme e Tatimeve ju ka bërë thirrje tatimpaguesve që ushtrojnë veprimtari në fushën e bankave, të telekomunikacionit, të tregtimit të produkteve farmaceutike, të produkteve ushqimore dhe fruta-perimeve që të shlyejnë detyrimin brenda datës së përcaktuar. 

“Administrata Tatimore rikujton të gjithë tatimpaguesit me qarkullim vjetor mbi 14 milionë lekë, që zhvillojnë veprimtari ekonomike në fushën e veprimtarisë bankare, të telekomunikacionit, të tregtimit të produkteve farmaceutike, të produkteve ushqimore dhe fruta-perimeve se brenda datës 30 Shtator 2020 duhet të kryejnë pagesën e këstit tremujor të Tatimit mbi Fitimin për periudhat tatimore Korrik, Gusht, Shtator 2020”, thuhet në njoftim.

Ndërkohë sa i takon bizneseve me xhiro deri në 14 milionë lekë, këstet e parapagimeve të tatim-fitimit të vitit 2020 nuk do të paguhen. 

“Për tatimpaguesit me qarkullim deri në 14 milionë lekë, këstet e parapagimeve të tatim-fitimit të vitit 2020 nuk do të paguhen. Këstet e tatimit mbi fitimin për periudhat tatimore prill-dhjetor 2020, për tatimpaguesit që zhvillojnë veprimtari ekonomike në fushën e turizmit e të përpunimit aktiv me material porositësi dhe call center nuk do të parapaguhen. Pagesat e këtyre kësteve shtyhen në periudhën Prill-Dhjetor 2021”, vijon njoftimi. 

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02