Drejtoria e Tatimeve njoftoi se sot 10,593 tatimpagues të tjerë kanë përfituar nga procesi i fshirjes automatike, vlera e detyrimeve të falura është 2.1 milionë euro.

Janë falur automatikisht gjobat për mosdeklarim në afat, gjobat për deklaratat e padorëzuara (me kushtin e dorëzimit deri më 30 Qershor 2026), gjobat për dorëzimin me vonesë të pasqyrave financiare, si dhe gjoba e interesa të tjera të parashikuara në ligj.

Tatimet kujtojnë se data 30 Qershor 2026 është afati i fundit si për pagesën e detyrimit të nevojshëm për të përfituar fshirjen e 50% të principalit, ashtu edhe për dorëzimin e deklaratave të padorëzuara deri më 31.12.2024, për të përfituar nga fshirja e gjobave për mosdeklarim në afat.