POP 5

Lajmet më të lexuara të 5 minutave të fundit

Kronikë

32 mln lekë dëmshpërblim 9 ish-të dënuarve politikë! Qeveria akordon fondin, mes tyre 2 të pushkatuar pa gjyq

Këshilli i Ministrave akordon 32 milionë lekë për dëmshpërblimin e 9 ish të dënuarve politikë, dy prej të cilëve të ekzekutuar pa gjyq nga regjimi komunist. Ministri i Drejtësisë Ulsi Manja paralajmëron ndryshime në ligj për t’i dhënë rrugë një numri dosjesh të dorëzuara për aplikim jashtë afatit

32 mln lekë dëmshpërblim 9 ish-të dënuarve politikë! Qeveria akordon fondin, mes tyre 2 të pushkatuar pa gjyq

Burgu i Spaçit

Një fond prej 32 milionë lekë të reja është akorduar nga qeveria për dëmshpërblimin financiar të 9 ish-të dënuarve politike nga regjimi komunist. Vendimi i propozuar nga ministria e drejtësisë, u miratua në mbledhjen e qeverisë.

‘9 subjekte përfituese ish të dënuarish politikë për të cilët qeveria ka miratuar masën e kompensimit. Është vendimi i 30 që merr qeveria për dëmshpërblimin e të dënuarve të regjimit komunist. Nga 9 prej tyre, 7 janë me burgime të gjata dy të tjerë të ekzekutuar pa gjyq.’- tha Ulsi Manja.

Report Tv, mësoi se fondi total i akorduar është 30.2 milionë lekë të reja. Në listën A të përfituesve, janë ish-të dënuar politikë të dënuar me burgim, izolim në hetuesi, izolim në institucion mjekësor apo mjekësor psikiatrik, ndërsa në listën B, janë renditur ish-të dënuarit politikë të dënuar me dënim kapital ose të ekzekutuar pa gjyq.

Ministri i Drejtësisë Ulsi Manja tha se në mbledhjen e qeverisë u diskutua edhe problematika e një numri dosjesh të dorëzuara jashtë afateve të përcaktuara nga ligji, për të cilat po kërkohet një zgjidhje.

‘Kemi rënë dakord të përllogarisim koston e buxhetit për këtë kategori, dhe në kohën e duhur do ndërmarrim iniciativën e ligjit për të shtyrë afatin e depozitimit të këtyre dosjeve.’- tha Manja.

Rendit zhvillimet sipas orarit:
Ora 13:47
VKM/ Miratohet dëmshpërblimi për 9 ish-të dënuar politikë! Do jepet me këste! Manja propozon zgjatje afati për dosjet e pa trajtuara

 

Këshilli i Ministrave miratoi sot masën e kompensimit financiar për 9 subjekte përfituese ish-të dënuarish politikë. Nga 9 subjektet përfituese, 7 janë ish-të dënuar politikë të regjimit komunist me burgime të gjata ose izolime në hetuesi, ndërsa dy subjekte përfituese janë me dënime kapitale ose të ekzekutuar pa gjyq.

Ministri i Drejtësisë, Ulsi Manja, në një prononcim për medie pas mbledhjes së qeverisë, u shpreh se “ky vendim vjen me propozim të Ministrisë së Drejtësisë dhe është vendimi i 30-të që merr qeveria për dëmshpërblimin e ish-të dënuarve politikë të regjimit komunist”.

Dëmshpërblimi për ish-të dënuarit politikë do të bëhet me këste

Manja nuk bëri të ditur sa është vlera e këtij dëmshpërblimi ndërsa propozoi ndryshimin e ligjit që të parashikojë zgjidhje për ata dosje të cilat janë dorëzuar jashtë afatit në Ministrinë e Drejtësisë.

“Sot në mbledhjen e qeverisë është trajtuar edhe problematika e trajtimit të disa dosjeve të subjekteve përfituese të regjimit komunist, të cilat janë dorëzuar në Ministrinë e Drejtësisë jashtë afateve të përcaktuara nga ligji. Kemi rënë dakord që në bashkëpunim me Ministrinë e Financave të përllogarisim sa është kostoja e buxhetit të shtetit lidhur me këtë kategori dosjesh dhe në momentin dhe kohën e duhur, ne ndoshta do të ndërmarrim edhe iniciativën ligjore për të ndryshuar ligjin dhe për të shtyrë afatin e depozitimit të këtyre dosjeve nga ana e subjekteve përfituese, ish-të dënuar politikë të regjimit komunist”, theksoi Manja.

VENDIMI 

1. Miratimin e dëmshpërblimit financiar për disa ish-të dënuar politikë të dënuar me burgim, izolim në hetuesi, izolim në institucion mjekësor apo mjekësor psikiatrik, sipas listës së përcaktuar në aneksin A, që i bashkëlidhet këtij vendimi dhe është pjesë përbërëse e tij.

2. Miratimin e dëmshpërblimit financiar për ish-të dënuar politikë të dënuar me dënim kapital ose të ekzekutuar pa gjyq, sipas listës së përcaktuar në aneksin B, që i bashkëlidhet këtij vendimi dhe është pjesë përbërëse e tij.

3. Shpërndarja e masës së dëmshpërblimit për ish-të dënuarit politikë bëhet me këste, sipas kritereve dhe kufijve të përcaktuar në nenin 12, të ligjit nr.9831, datë 12.11.2007, “Për dëmshpërblimin e ish-të dënuarve politikë të regjimit komunist”, të ndryshuar.

4. Shuma e përllogaritur përballohet nga buxheti i Ministrisë së Shëndetësisë dhe Mbrojtjes Sociale i planifikuar për këtë qëllim. Shuma transferohet nga Ministria e Shëndetësisë dhe Mbrojtjes Sociale në bankën e nivelit të dytë nëpërmjet thesarit, pas konfirmimit të Ministrisë së Financave dhe Ekonomisë. Pagesa e dëmshpërblimit për secilin përfitues urdhërohet nga Ministria e Financave dhe Ekonomisë në llogaritë e tyre personale, të hapura në bankat e nivelit të dytë, sipas përcaktimeve të ligjit nr.9831, datë 12.11.2007, “Për dëmshpërblimin e ish-të dënuarve politikë të regjimit komunist”, të ndryshuar.

5. Ngarkohen Ministria e Drejtësisë, Ministria e Shëndetësisë dhe Mbrojtjes Sociale dhe Ministria e Financave dhe Ekonomisë për zbatimin e këtij vendimi.

 

 

G.MO/Shqiptarja.com

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pensionisti: 24/08/2023 16:15

    Ish te burgosurit politik po ta mjelin shqiperine ,jepuni edhe per mbesa e nipa,per stermesa e sternipa,vetem per pensionista nuk keni para,kështu i leverdis qeveris

    Përgjigju
    • I drejti: 24/08/2023 16:53

      Pusho o pusht i kuq. Ata janë masakruar me breza për 45 vjet o qelbësirë

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34