Altin Dumani, Drejtuesi i SPAK-ut, ka kërkuar disa herë publikisht që kolegëve të tij t’u jepet mundësia për të aplikuar për një mandat të dytë si prokurorë të SPAK-ut. Dhe këtë kërkesë të tij e përkrahin 3/4 e shqiptarëve, siç rezultoi nga sondazhi më i fundit që zhvillova për Report TV.
Kuptohet që sondazhi nuk është zhvilluar me 1100 juristë, por me 1100 banorë të rritur krejt të rastësishëm nga Konispoli në Vermosh. Dhe ata mund të mos jenë bazuar në argumente të thella juridike, kur kanë shprehur përkrahjen ndaj kërkesës së Dumanit. Gjasat janë të mëdha që ata të jenë nisur thjesht nga rezultatet e derisotme të prokurorëve të SPAK-ut.
Edhe unë bëj pjesë tek 3/4 e shqiptarëve që duan t’u jepet mundësia prokurorëve të SPAK-ut për një mandat të dytë. Dhe ja përse mendoj kështu.
Së pari, mungesa e përcaktimit të qartë ligjor në lidhje me statusin e prokurorëve të posaçëm pas përfundimit të mandatit të tyre do të cënonte pavarësinë e prokurorëve të posaçëm, por dhe statusin e tyre si magjistrat, mbështetur edhe në parimin e funksionalitetit të sistemit të drejtësisë. Mospërcaktimi i qartë i statusit do të ndikonte edhe në vijimësinë e ruajtjes së standardeve të larta profesionale të hetimit të kërkuara nga SPAK, duke marrë parasysh nivelin e lartë profesional tashmë të akumuluar, si nga përvoja profesionale, por edhe nga trajnimet e shumta të specializuara të përfituara nga prokurorët e posaçëm gjatë mandatit të parë.
Nga ana tjetër, do të cënohej edhe vazhdimësia e hetimeve të rëndësishme të kryera nga SPAK-u. Duhet theksuar për SPAK-un mezi u gjetën 17 prokurorë të denjë për të deri në fillimin e vitit 2022 (85% e numrit total të prokurorëve sipas organikës). Me përfundimin e mandateve të tyre, plotësimi i numrit të vendeve të lira do të kërkojë kohë, duke e vënë në vështirësi të konsiderueshme funksionimin e SPAK-ut dhe vijimin e hetimeve të dosjeve të rëndësishme, që ndiqen nga prokurorë aktualë.
Së dyti, në lidhje me mundësinë e ripërsëritjes së mandatit, Dumani nuk ka kërkuar rinovim automatik, por ka thënë që pas mbarimit të mandatit, t’u jepet mundesia prokurorëve të SPAK-ut që të aplikojnë sërish dhe të kalojnë të njëjtën procedurë sikurse çdo kandidat tjetër. Kjo, për të ruajtur barazinë në garë.
Nga ana tjetër, teksa gjykatësit e SPAK-ut kanë mandat të përjetshëm, ky kriter nuk është ndjekur për prokurorët e SPAK-ut. Të paktën dhënia e mundësisë për ri-aplikim mund ta minimizonte riskun e firos profesionale dhe cënimin e ruajtjes së standarteve te larta në SPAK edhe pas përfundimit të mandatit të aktual të prokurorëve. Për të mos thënë që atyre ndoshta u duhet dhënë një mandat i përjetshëm, njësoj si gjykatësve të SPAK-ut!
Komente
Lajme të tjera
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Eduard Zaloshnja: 87% këtu duan të bllokohen TikTok dhe Snapchat, ndërkohë Australia po i bllokon për adoleshentët
22 Nëntor, 12:40
-
'Repolitix'/ Zaloshnja dakord me mbylljen e TikTok dhe Snapchat: U krijua nga Kina për të krijuar kaos në perëndim! Sefa: Jam për vendosjen e filtrave
20 Nëntor, 21:50 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Sot mblidhet dhe kryesia e PL/ Blushi sulmon drejtësinë: Arrestimi dhe burgosja e Ilir Metës pa prova, nga drejtësia e sorosifikuar e Ramës, mafias ndërkombëtare dhe McGonigalit!
20 Nëntor, 16:15 -
Eduard Zaloshnja: Rreth 800 mijë banorë të rritur me prejardhje nga familje ish-të persekutuara para një dekade, po sot?
20 Nëntor, 13:32
-
Eduard Zaloshnja: Vetëm 40.6% të kënaqur me qeverinë, por vetëm 32.4% votojnë sot për PD-në
15 Nëntor, 14:40
3/4 e 1/3 se shqiptareve me sakte. Se 2/3 jetojme jashte Shqiperise.
PërgjigjuMandati e ka fajin
PërgjigjuPlotesisht dakort e sugjerimin e zotit Zaloshnja lidhur me kerkesen e Altin Dumanit.Ata duhet ta kene te drejten te rikandidojne dhe tu sigurohet edhe nje mandat i dyte.Misioni i tyre eshte me rendesi historike per te kthyer sistemin e drejtesise ne lartesine e duhur,si ne cdo vend europian.Dallimi midis nje gjyqtari te GJKKO dhe nje prokurori te SPAKUT eshte i padrejte dhe demton dhe cilesine e punes se tyre,sepse ne fund te fundit,cdo prokuror i Spakut do mendoje dhe per karieren dhe familjen e tij dhe nese nuk eshte i sigurt per ta ,te gjitha te tjerat kalojne ne plan te dyte.Dhe,sipas mendimit tim,kunder rinovimit te tyre nuk ka pengesa ligjore,por ka thjesht pavendosmeri dhe motive qe shkojne kunder veprimtarise se SPAKUT si organ,motive subjektive te ligjvenesve parlamentare.Kjo duhet kapercyer dhe Altin Dumani e prokuroret e Spakut meritojne nje mandat te dyte,te pakten...
Përgjigju