TIRANË- Ditën e sotme në Gjykatën Penale është zhvilluar seanca gjyqësore e pajtimit mes Taulant Ballës dhe Lulzim Bashës për akuzën e Ballës për 3.4 mln eurove në Toyota Auris.
Kjo është seanca e dytë që zhvillohet mes kreut të PD-së Basha, i cili u përfaqësua nga avokatët e tij, Gazment Bardhi e Ivi Kaso, dhe deputetit të PS-së, Taulant Balla që ishte i pranishëm, i shoqëruar në sallë nga avokati Gentjan Rumano.
Në momentin e mbërritjes në ambjentet e Gjykatës, Taulant Balla ka parë avokatët e Bashës dhe është shprehur para kamerave se: S'paska ardhur gjumashi!
Gjatë seancës, avokati Bardhi është shprehur se qëndrimi i tij është se Basha i qëndron deklaratave publike, të cilat janë bërë nën cilësinë e kreut të opozitës.
Ndërsa Balla ka rikonfirmuar gjithashtu dëshirën për mospajtim me Bashën.
Rikonfirmoj se s’kam dëshirë të pajtohem me Bashën. Dua t’i shkoj në fund procesit gjyqësor pasi Basha ka shpifur. Por meqënëse Balla si kap oraret në mëngjes të lëmë një orar në mesditë të vijë dhe i akuzuari.
Taulant Balla, kreu i grupit parlamentar të PS
Por në këtë moment ka ndërhyrë gjykatësi Gerd Hoxha, i cili i ka kërkuar palëve që në momentin që marrin pjesë në seancë të mos bëjnë politikë dhe të respektojnë Gjykatën. Pasi palët nuk u pajtuan, trupa gjykuese ka kërkuar njoftimin e prokurorisë në proces. Ndërsa seanca e radhës është vendosur në datën 23, në orën 11:30.
3.4 mln eurot u gjetën në 2 automjete "Toyota Auris" në Portin e Durrësit, për të cilën Basha akuzoi Ballën dhe kjo është padia e parë që do shqyrtohet lideri demokrat. Ndërsa padia e dytë është ajo për dekonspirimin e operacionit të policisë. Lulzim Basha foli në parlament se ishin nisur drejt Shqipërisë një shumë e konsiderueshme eurosh brenda një automjeti "Toyota Yaris" ngjyrë e kuqe.
Taulant Balla sot në seancën gjyqësore ndaj Bashës
Më herët Gjykata e Krimeve të Rënda ka lënë në burg pa afat katër personat e arrestuar pas kapjes në portin e Durrësit, Edi e Klevis Lika, Alban Mollaymeri dhe Agim Çeka. Ndërkohë Alfred dhe Elvis Vladi janë shpallur në kërkim.
Operacionit policor për kapjen e 3.4 milion eurove në portin e Durrësit disa javë më parë i parapriu në parlament me një deklaratë nga Lulzim Basha në parlament më 21 Qershor 2018 për ekzistencën e një makine Toyota Yaris, brenda të cilës po transportoheshin 1.5 milionë euro.
Pikërisht kjo deklaratë ndryshoi planet e operacionit kriminal të Alfred dhe Elvis Vladit. Makinat supozoheshin të niseshin nga porti Ankonës por devijuan rrugën e u nisën nga porti Barit.
Taulant Balla sot në seancën gjyqësore ndaj Bashës
TIRANË- Një prej avokatëve të kreut të Partisë Demokratike, Gazmet Bardhi, jashtë Gjykatës është shprehur se Basha ishte tërësisht i përfaqësuar në procesin gjyqësor për “Toyota Auris”.
Basha nuk ka asnjë hall në këtë proces. Ndjehet i përfaqësuar. Ai i qëndron të gjitha deklarimeve të bërë për këtë çëshjte. Ky është proces ligjor.
Gazment Bardhi, avokat
Pas kësaj, Bardhi konfirmoi sërish deklaratat e Bashës, i cili e quajti Ballën si person të përfshirë në eurot e bllokuara në Durrës.
Procesi sot ishte një seancë pajtimi, ne shprehëm se i qëndrojmë të gjithë atyre që kemi deklaruar në fillim. Personalisht Balla ka hallin e tij dhe vjen në Gjykatë.
Gazment Bardhi, avokat
Pas seancës gjyqësore, Taulant Balla është prononcuar për kamerat duke u shprehur se nuk e besonte se Basha do të vinte ndonjë herë që të përballej me të për çështjen "Toyota Auris".Më tej, Balla mjaft i vendosur është shprehur edhe njëherë jashtë Gjykate se do t’i shkojë deri në fund këtij procesi.
Po i bëjmë një shërbim politikës shqiptare në tërësi për të ndarë përfundimisht shpifësit. Unë e dija që Lulzim Basha ka fobi nga këto godina dhe nuk e besoj që do të paraqitet ndonjë ditë. Dhe të vijë që të përballet me akuzuesin. Unë do t’i shkoj deri në fund këtij procesi dhe do të fitoj një vendim gjykate. Kur thamë që Berisha i dha Bashës PD-në në dorë si një lodër, ky kalamani po e thyen lodrën përditë.
Taulant Balla
Në fund Balla, tha se në fund të procesit nga Krimet e Rënda, do të ketë edhe një proces për dënim e shkaktuar dhe se paratë do t'ja dhurojë fëmijëve jetimë.
Do të kemi edhe një proces civil për dëmin e shkaktuar. Më pas do ua dhurojmë fëmijëve jetimë. Po Luli ka shumë para, paguan 200 mijë euro Babalen.
Taulant Balla
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
po ke lek te modh ti o vlla ke ardh ngs fshati lunik i librazhdit,prandaj i dhuro leket
Përgjigju