Gjykata e Kurbinit vendosi të lirojë nga qelia dhe të hetojë në gjendje të lirë, inxhinierin e një kompanie ndërtimi, në të cilën humbi jetën një 34-vjeçar që punonte për rikonstruksionin e një pallati në Milot, në kuadër të rindërtimit.

Gjykata e vlerësoi të ligjshëm arrestimin e 55-vjeçarit me banim në Tiranë, Mondi Turhani, inxhinieri i kompanisë “Erald Construction”, por vendosi ndaj tij masë detyrim paraqitje siç ishte kërkuar nga prokurori Arben Nika.

Avokati Edmond Buna pretendoi se 34-vjeçari Marku Debrova nga Elbasani nuk është punonjës i regjistruar pranë komanisë “Erald” dhe se inxhinieri duhet të lirohet nga akuzat.

Turhani u arrestua nga policia të mërkurën me akuzen e shkeljes së rregullave të mbrojtjes në punë.

Punëtori ra nga tarraca e pallatit, ndërsa nga hetimet paraprake rezultoi se në kantinerin e ndërtimit mungonin kushtet e sigurisë në punë.