POP 5

Lajmet më të lexuara të 5 minutave të fundit

Ekonomi

'Intesa Sanpaolo Bank Albania'
merr çmimin  “Banka më e mirë"

Intesa Sanpaolo Bank Albania vlerësohet nga Global Finance si “Banka më e mirë në Tregjet në Zhvillim në Europën Qëndrore -Lindore” për Shqipërinë.
'Intesa Sanpaolo Bank Albania'<br />merr çmimin  “Banka më e mirë
 Intesa Sanpaolo Bank Albania vlerësohet nga Global Finance si “Banka më e mirë në Tregjet në Zhvillim në Europën Qëndrore -Lindore” për Shqipërinë. Z. Silvio Pedrazzi, Drejtor i Përgjithshëm Ekzekutiv i Intesa Sanpaolo Bank Albania, shprehu mirënjohjen e tij për këtë çmim, duke e konsideruar rolin e bankës shumë të rëndësishëm në zhvillimin ekonomik të vendit.

“ Gjatë vitit 2013 Intesa Sanpaolo Bank Albania menaxhoi me sukses tendencën ekonomike në rënie, duke ruajtur  një nivel të kënaqshëm të rentabilitetit, pavarësisht rritjes së nivelit të kredive me probleme në vend.

Përpjekje të veçanta janë bërë për të mbajtur nën kontroll kostot si dhe për zbatimin e një sistemi efektiv dhe eficent të menaxhimit të riskut. Raporti i shkëlyqer i kostove ndaj të ardhurave, niveli i rritjes së konsiderueshme të provigjioneve për kreditë si dhe baza e qëndrueshme e kapitalit, janë të gjithë faktorë që mundësojnë dhe sigurojnë një zhvillim të qëndrueshëm të biznesit të bankës në planin afatgjatë. Rritja e shpejtë e bazës së klientëve, produktet dhe shërbimet e hedhura në treg për individët dhe segmentet e bizneseve të vogla dhe të mesme, një skuadër menaxhimi e re dhe e motivuar përbëjnë  elementet kryesor për arritje dhe suksese të mëtejshme. Për vitin 2014 banka ka vënë si objektiv rritjen e pjesës së tregut dhe një nivel më të lartë të kthimit të kapitalit .
 
Botuesit e Global Finance me ndihmën e analistëve të industrisë, drejtuesve të korporatave dhe konsulentëve bankar – përzgjodhen bankat më të mira në tregjet në zhvillim në rajon dhe në 21 shtete. Ky studim  ekskluziv do të botohet në edicionin e muajit Majit 2014.
 
Kriteret për përzgjedhjen e fituesve përfshijnë rritjen e aseteve, rentabilitetin,  marrëdhëniet strategjike, shërbimin e klientëve, çmimet konkuruese dhe produktet inovative. Për më tepër u zhvillua për herë të parë një sondazh mes lexuesve të korporatës Global Finance për të rritur saktësinë dhe besueshmërinë e rezultateve.

Ky është viti i njëzet e një që revista përzgjedh bankat më të mira  në tregjet në zhvillim. Raporti përfshin bankat më të mira në Amerikën Latine, Europën Qëndrore e Lindore, Azi dhe Paqësor, në Lindjen e Mesme dhe Afrikë.

“Të përballura me rritjen e ngadaltë dhe tregjet e paqëndrueshme, këto Banka kanë një ecuri të shkëlqyer në kushte jashtëzakonisht sfiduese” u shpreh Joseph D. Giarraputo, botues dhe Drejtor Editorial i Global Finance. “Bankat që Global Finance po nderon mund të mos jenë bankat më të mëdha ose më të vjetrat, por janë më të mirat në kuadrin e përzgjedhjes së produkteve dhe ofertave në tregjet ku shërbejnë ”.

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51