Komisioni i Disiplinës ka dënuar me dorë të rëndë incidentin në ndeshjen mes Kukësit dhe Skënderbeut e zhvilluar në fundjavë në qytetin verilindor.

Disiplina ka vendosur të dënojë ekipin e Kukësit me heqjen e tre pikëve dhe zhvillimin e 4 ndeshjeve jashtë fushe, ndërsa trajnerin Shensoji e ka dënuar me 12 ndeshje.

Kukësi është dënuar për dështimin e përmbushjes së përgjegjësive për sigurinë e zyrtarëve të klubit kundërshtar, diskriminimin e zyrtarëve të ndeshjes si dhe përgjegjësitë për spektatorët. Kukësi ka afat tre ditë për të apeluar vendimin e Komisionit të Disiplinës.

Pas vendimit të Disiplinës për dënimin e trajnerit Shensoji me 12 ndeshje, heqjen e tre nga renditja dhe zhvillimin e 4 ndeshjeve jashtë, dhjetëra tifozë të Kukësit kanë protestuar në rrugët e qytetit verilindor.

Sipas tifozëve, protesta e sotme do të pasohet nga disa protesta të tjera të cilat kanë për qëllim heqjen e këtij dënimi, që sipas tyre, ka rrënuar ekipin e qytetit veri-lindor.

Ata kanë deklaruar se zëri i tyre do të dëgjohet fort, madje kanë kërcënuar se nëse Federata nuk e rishqyrton këtë vendim, ata do të bllokojnë edhe Rrugën e Kombit, në shenjë indinjate ndaj një vendimi, që sipas tyre, flet për pazare që bën federata në kurriz të Kukësit.


Vendimet e Plota të Komisionit të Disiplinës

KF “ Kuksi “ per deshtim ne permbushjen e pergjegjesive per sigurine e zyrtareve te klubit kundershtar , diskriminim te zyrtareve te ndeshjes dhe  ekipit kundershtar  si dhe pergjegjesi per sjelljen e spektatoreve denohet me zbritjen e 3 (tre) pikeve nga klasifikimi i pergjithshem dhe zhvillimin e 4 ( kater ) ndeshjeve jashte stadiumit perkates bazuar ne nenet 57.c , 64.c dhe 65.4 te KDS.

Trajneri i KF “ Kuksi “ Naxhi Shensoj per sjellje jo sportive ndaj zyrtareve te ndeshjes , duke qene edhe here te tjera  subjekt i denimeve qe parashikon Kodi i Disiplines Sportive , denohet me 12 ndeshje pezullim nga aktiviteti bazuar ne nenet  49.2/a dhe 53 te KDS .

KF “Bylis” per sjellje te gabuar te spektatoreve te tij per hedhje te mjeteve ndezese dhe ofendime  denohet me zhvillimin e 1(nje) ndeshje pa spektatore ne stadiumin perkates bazuar ne nenin 66.3/a te KDS .

Zyrtari i KF “Vllaznia” Armir Grima , per protesta dhe ofendim ndaj zyrtareve te ndeshjes denohet me 2(dy) ndeshje pezullim nga aktiviteti bazuar ne nenin 56.1/a te KDS .

Zyrtari i KF “ Laci “ Saimir Xhetani  per protesta ndaj vendimeve te arbitrit dhe hyrje pa leje ne fushen e lojes , ne baze te nenit 56/1.a te KDS denohet me 2 (dy) ndeshje pezullim nga aktiviteti.

Lojtari i KF “ Butrinti “ Mario Bytyci per protesta dhe ofendim ndaj zyrtareve te ndeshjes denohet me 2(dy) ndeshje pezullim nga aktiviteti bazuar ne nenin 56.1/a te KDS .

Lojtari i KF “ Turbina “ Xhulio Dine per sjellje josportive ndaj kundershtareve denohet me 2 (dy) ndeshje pezullim nga aktiviteti bazuar ne nenin 48.1/d te KDS.

Lojtaret e KF “ Partizani B “ Mateos Levendi dhe Florian Berdaj per goditje ndaj lojtarit kundershtar denohen secili me 5 (pese ) ndeshje pezullim nga aktiviteti bazuar ne nenin 48.1/e te KDS.

Lojtari i KF “ Sukthi “ Erdi Doda per goditje ndaj lojtarit kundershtar denohet me 5 (pese) ndeshje pezullim nga aktiviteti bazuar ne nenin 48.1/e te KDS .

Trajneri i KF “ Permeti “ Kleo Sevo per protesta dhe ofendim ndaj zyrtareve te ndeshjes denohet me 2(dy) ndeshje pezullim nga aktiviteti bazuar ne nenin 56.1/a te KDS .

KF “ Permeti “per sjellje te gabuar te spektatoreve te tij per hedhje te mjeteve ndezese dhe ofendime  denohet me zhvillimin e 1(nje) ndeshje pa spektatore ne stadiumin perkates bazuar ne nenin 66.3/a te KDS.

Lojtari i KF “Dinamo” U-19  Erdi Lazri per protesta me gjeste ofenduese ndaj zyrtareve te ndeshjes denohet me 2 (dy) ndeshje pezullim nga aktiviteti bazuar ne nenin56.1/a te KDS.

Lojtari i KF “ Laci “ U-19 Francesk Thana dhe lojtari i KF “ Partizani “ U-19 Laurenti Ismaili   per goditje ndaj njeri-tjetrit denohen secili me nga 5 (pese) ndeshje pezullim nga aktiviteti bazuar ne nenin 48.1/e te KDS.

Lojtari i FK “ Dinamo “ U-17 Rudion Tocilla  per goditje ndaj lojtarit kundershtar denohet me 5 (pese) ndeshje pezullim nga aktiviteti bazuar ne nenin 48.1/e te KDS .

Trajneri i KF “ Luftetari “ U-17 Andrea Culli per protesta dhe ofendim ndaj zyrtareve te ndeshjes denohet me 2(dy) ndeshje pezullim nga aktiviteti bazuar ne nenin 56.1/a te KDS .

KF “ Shkumbini “ U-17 per mosparaqitje ne ndeshje me KF “ Lushnja “ U-17 denohet me humbjen e ndeshjes ne tavoline me rezultatin 3-0 bazuar ne nenin 55 te KDS. Kunder vendimit mund te behet ankim brenda 3 (tre) diteve ne Komisionin e Apelit.
Komisioni i Disiplines
_____________                               ______________                                   ____________
Ardian Haci                                     Arben Shkembi                                   Saimir Dauti
Kryetar                                                  Anetar                                                Anetar