POP 5

Lajmet më të lexuara të 5 minutave të fundit

Kronikë

4 mln € për 'Lungomare 2', Leli zbulon detaje: Pishinë olimpike me ujë deti, parkim nëntokësor dy katësh dhe korsi biçikletash

Është bërë publik këtë të premte projekti për shëtitoren “Lungomare 2” nga kryebashkiaku Dritan Leli. Sipas tij për  projektin është parashikuar një fond prej 4 milion euro ndërsa përveç hapësirave publike do të ketë edhe një parking nëntokësor.

VLORË- Kryebashkiaku i Vlorës Dritan Leli bëri publik projektin e  “Lungomare 2” për të cilin është parashikuar një fond prej 4 milion euro.  Me një gjatësi 1.3 km projekti  i cili është zgjatim i shëtitores “Lungomare 1”  përveç hapësirave publike dedikuar qytetarëve, sipas Lelit do t'i japë zgjidhje edhe problematikës së parkimeve në këtë qytet me ndërtimin e një parkingu dy katësh nëntokësor, i cili parashikon 160 vende.

"Projekti që sapo kemi filluar, nga zona e tunelit në drejtim të Radhimës, janë vazhdim i ndryshimit rrënjësor të faqes turistike të Vlorës. Do të ketë një pishinë olimpike me ujë deti për qytetarët, një pishinë për fëmijët dhe një parkim me 160 vende, për të cilin kemi vendosur në dispozicion një pjesë te buxhetit për të zgjidhur atë që ka qenë kontestimi më i madh i qytetarëve dhe vizitoreve, mangësia e vendeve të parkimit në territor. Do të ketë edhe një korsi të dedikuar për biçikletat për 3 km. Do të ketë edhe një rrugë kalimi për këmbësorët nga Vlora në Orikum pa ndërprerje. Fondi ka qenë i vlerës 3 milion euro por me shtimin e parkingut kemi shtuar edhe 1 milion euro i cili është kontribut i Bashkisë", tha Leli.

Ndërkohë duke folur mbi aksionin e IKMT-së që shtrihet nga Orikumi në Radhimë, i shoqëruar edhe me përplasje, Leli tha se ai nuk është aspak selektiv, ndërsa objektet që janë parashikuar për t'u shembur sipas tij janë ndërtime të paligjshme.

"Objektet që janë duke u prishur nga Vlora deri në Orikum janë të gjitha pa leje. Nuk po cenohet asnjë objekt i pajisur me leje. Objektet me leje, do t’i nënshtrohen procedurave ligjore, ashtu si ligji parashikon", tha Leli.   

“Lungomare 2” do të shtrihet nga zona e tunelit deri në afërsi të Rradhimës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Profesori: 05/10/2019 21:54

    Bravo Klaudio, suksese te vazhdueshme!

    Përgjigju
  • Lungomarja: 05/10/2019 08:19

    Ore politikane te ndershem, pos as fjalen italisht "Lungomare" s'arrini ta thoni shqip? Autostrada, lungomare etj etj... Sa dobet qe jemi.

    Përgjigju
  • Cufi: 04/10/2019 19:51

    PRISHINI TE GJITHA ME LEJE DHE PA LEJE,,,DHE LUNGOMARJA TE FILLOJE NE VLORE DHE TE MBAROJE NE KSAMIL,,,DHE MOS HARRONI TE RREGULLONI UJIN E PIJSHEM DHE UJRAT E ZEZA,,DUHEN NDERTUAR DEBORATORE JO KIOSKA BUZE DETIT,,INJORANTE TE QELBUR ,SHKATARRUAT PLAZHIN....

    Përgjigju
    • xhuxhi: 05/10/2019 07:53

      deri sa te flasim gjysem shqipe gjysem italisht. nuk do te kete asnje zgjidhje per shqiperine ,poe do te jemi gjithmone nje popull qesharak.

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22