Në saj të aksionit për evidentimin dhe asgjësimin e lëndëve narkotike, Policia e Shtetit ka zhvilluar një sërë aksionesh në Shkodër, Pukë, Krujë, Berat dhe Vlorë. Në këto qytete u evidentuan 28 parcela me rreth 3012 rrënje kanabis sativa. 

Shkodër dhe Pukë, gjenden 19 parcela, policia po punon për kapjen e autorëve.
Në vendin e quajtur Mbaspyllaj në fshatin Mazrek, u bë e mundur gjetja e 4 parcelave me 470 rrënjë kanabis sativa. Ndersa në vendin e quajtur fshati Vukjakaj, janë gjetur 14 parcela me 927 rrënjë kanabis. 

Në fshatin Mezi të Pukës është gjetur dhe asgjesuar një parcel me 50 rrenjë kanabis. 

Në të tre rastet lenda narkotike u asgjesua me anë të djegjes, dhe po punohet për identifikimin dhe kapjen e autorëve. 

Vlorë, asgjesohen 260 rrënjë kanabis, arrestohet Tajar Muçaj
Shërbimet e Policisë gjatë kontrollit të ushtruar në vendin e qujtur “Zgurat” e fshatit Hoshtimë, kanë gjetur 260-bimë narkotike të mbjella në një ullishte, në pronësi të shtetasit Tajar Muçaj.

Lartësia e këtyre bimëve varionte nga 35 cm deri në 100 cm, te cilat u asgjësuan me djegie.

Bertat, ndalohen 3 persona, shpallen në kërkim 3 të tjerë
Në fshatin Dardhë të Beratit, policia e këtij qyteti bëri të mundur gjetjen dhe asgjesimin e 9 parcelave me 1297 rrënjë kanabis e cila u asgjesua me anë të djegies. 

Policiai bëri të mundur ndalimin e Abaz Mbrati, 26 vjeç, Vasil Mbrati, 59 vjeç dhe Dine Mbrati, 58 vjeç, të tre banues në Dardhë Berat. 

Gjithashtu filloi proçedimi penal dhe u shpallën në kërkim shtetasit:
1. A.M, 29 vjeç, banues në Vlorë,
2. B.M, 34 vjeç, banues në Vlorë, 
3. M.M, 34 vjeç, banues në Vlorë. 

Materialet i kalojnë Prokurorisë së Rrethit Gjyqësor Berat për veprime të mëtejshme.

Krujë, arrestohet 15 vjeçari, mbolli 8 rrënjë kanabis sativa
Nga Specialistët për Krimet në Komisariatin e Policisë Krujë u ndalua shtetasi Sh.A, 15 vjeç, banues në fshatin Larushk Fushë Krujë, pasi më 21 korrik kishte mbjellë në oborrin e banesës së tij janë gjetur 8 bimë narkotike të llojit Cannabis Sattiva. 

Redaksia Online
(b.m/Shqiptarja.com)