4 vite luftë/ Zelensky: Rusia nuk ka fituar! Putin: Ukraina po saboton bisedimet për paqe

Presidenti ukrainas, Volodymyr Zelensky

Shërbimi i inteligjencës së jashtme të Rusisë (SVR), ka akuzuar Mbretërinë e Bashkuar dhe Francën se po planifikojnë të furnizojnë Kievin armë bërthamore.

Duke cituar të dhëna nga inteligjenca, por pa dhënë prova, thuhet se elitat britanike dhe franceze “nuk ishin të përgatitura të pranonin humbjen” në luftë.

Pra, ata po kërkonin t’i dorëzonin Kievit bomba bërthamore, në mënyrë që ky i fundit të siguronte kushte më të favorshme paqeje, sipas SVR.

Ndërsa Gjermania refuzoi të mbështeste përpjekjen, pretendon agjencia, Mbretëria e Bashkuar dhe Franca po “punonin në mënyrë aktive për të zgjidhur çështjet” që lidhen me furnizimin e Kievit me armë bërthamore.

Dmitry Peskov, zëdhënësi i Kremlinit, tha se planet e dyshuara ishin "potencialisht... jashtëzakonisht të rrezikshme" dhe "një shkelje e hapur e të gjitha normave dhe parimeve të akteve përkatëse të së drejtës ndërkombëtare".

Presidenti rus, Vladimir Putin

Presidenti rus, Vladimir Putin ka akuzuar Ukrainën për sabotim të bisedimeve për paqen, teksa mbajti një fjalim në takimin vjetor të bordit të shërbimit të inteligjencës së Rusisë.

Ai tha se Kievi dështoi t’i shkaktonte disfatë Rusisë në fushën e betejës.

"Ne duhet të neutralizojmë të gjitha përpjekjet për të minuar këtë proces", deklaroi Putin.

Presidenti shtoi se ishte jetike të forcohej mbrojtja e infrastrukturës energjetike dhe objekteve të tjera strategjike.

Ai u tha gjithashtu udhëheqësve të FSB-së se operacioni special ushtarak në Ukrainë kërkonte vigjilencë dhe përqendrim maksimal nga ana e tyre.

Zëdhënsi i Kremlinit, Dmitry Peskov

Kremlini është përpjekur të justifikojë luftën në Ukrainë në përvjetorin e katërt, duke thënë se ka pasur ndërhyrje të drejtpërdrejtë në konflikt nga vendet europiane.

 “Pas ndërhyrjes së drejtpërdrejtë në këtë konflikt nga vendet e Evropës Perëndimore dhe Shtetet e Bashkuara, operacioni special ushtarak de facto u shndërrua në një konfrontim shumë më të madh midis Rusisë dhe vendeve perëndimore, të cilat kishin dhe vazhdojnë të kenë qëllimin e shkatërrimit të vendit tonë” , tha zëdhënësi Dmitry Peskov.

Peskov deklaroi se qëllimet e operacionit ushtarak special të Rusisë nuk ishin arritur ende dhe se forcat rusedo të luftonin derisa të arriheshin. Qëllimi kryesor, sipas tij, ishte siguria e atyre që jetonin ose jetojnë në Ukrainën lindore.

I pyetur nëse Moska besonte se konflikti mund të zgjidhej përmes bisedimeve, pasi tre raunde negociatash të ndërmjetësuara nga SHBA-të midis Rusisë dhe Ukrainës nuk kanë arritur të bëjnë ndonjë përparim ,Peskov pohoi: "Ne po vazhdojmë përpjekjet tona për të arritur paqen, qëndrimi ynë është shumë i qartë dhe konsistent. Tani gjithçka varet nga veprimet e regjimit të Kievit." 

Volodymyr Zelensky dhe Elisa Spiropali

Në katër vjetorin e luftës së Rusisë në Ukrainë, ministrja e Punëve të Jashtme, Elisa Spiropali thotë se Shqipëria qëndron në solidaritet me kombin ukrainas.

Përmes në postimi në rrjetet sociale, ku ka ndarë foto nga takimi i saj i fundit me presidentin Volodymyr Zelensky në Kiev, Spiropali u shpreh se guximi i popullit ukrainas vazhdon të frymëzojë botën.

Ndër të tjera, Spiropali thotë se Shqipëria riafirmon mbështetjen e saj të palëkundur për Ukrainën, politikisht, diplomatikisht dhe përmes veprimeve konkrete.

"Katër vjet pasi Rusia nisi agresionin e saj brutal dhe të pajustifikuar kundër Ukrainës, ne përkujtojmë jetët e humbura dhe qëndrojmë në solidaritet të palëkundur me një komb që mbron lirinë, sovranitetin dhe demokracinë e tij. Guximi i popullit ukrainas vazhdon të frymëzojë botën. Qëndrueshmëria e tyre dëshmon se terrori nuk mund ta mposhtë vullnetin për të jetuar i lirë. Shqipëria riafirmon mbështetjen e saj të palëkundur për Ukrainën, politikisht, diplomatikisht dhe përmes veprimeve konkrete. Solidariteti ynë është i qartë, parimor dhe i qëndrueshëm. Ukraina nuk është vetëm!", shkruan Spiropali.

???? Four years after Russia launched its unjustified brutal aggression against Ukraine, we stand in heartfelt remembrance of the lives lost and in unwavering solidarity with a nation defending its freedom, sovereignty, and democracy.

The courage of the Ukrainian people…

— Elisa Spiropali (@elisaspiropali) February 24, 2026

Presidenti ukrainas, Volodymyr Zelensky

Në përvjetorin e katërt të luftës në Ukrainë, presidenti Volodymyr Zelensky deklaroi se Vladimir Putin nuk i ka arritur qëllimet e tij.

Zelensky, përmes një video mesazhi në rrjetet sociale, deklaroi se presidenti rus, Vladimir Putin nuk i ka thyer ukrainasit dhe se nuk e ka fituar luftën, teksa ai mendonte se ofensiva për pushtim do të zgjaste 3 ditë.

Ndër të tjera, Zelensky shtoi se ukrainasit do të bëjnë gjithçka për të siguruar paqen dhe drejtësinë.

“Sot shënohen saktësisht katër vjet që kur Putini filloi ofensivën e tij tre-ditore për të marrë Kievin. Dhe kjo thotë shumë për rezistencën tonë, për mënyrën se si Ukraina ka luftuar gjatë gjithë kësaj kohe. Pas këtyre fjalëve qëndrojnë miliona njerëz nga populli ynë, me një guxim të jashtëzakonshëm, punë jashtëzakonisht të palodhur, qëndrueshmëri dhe rrugën e gjatë që Ukraina ka ndjekur që nga 24 shkurti. Duke parë prapa në fillim të pushtimit dhe duke reflektuar mbi sot, kemi të drejtë të themi: ne e kemi mbrojtur pavarësinë tonë, nuk e kemi humbur shtetësinë tonë; Putini nuk i ka arritur qëllimet e tij. Ai nuk i ka thyer ukrainasit; ai nuk e ka fituar këtë luftë. Ne e kemi ruajtur Ukrainën dhe do të bëjmë gjithçka për të siguruar paqen dhe drejtësinë. Lavdi Ukrainës!”, shkruan Zelensky.