POP 5

Lajmet më të lexuara të 5 minutave të fundit

Kultura

Drejt Punës

PERSONAZH/ 80-vjeçarja nga Troshani i Lezhës, një jetë punë me tezgjah: E fillova me pajën e vajzës, do ta lë kur të mbyll sytë

Një traditë shekullore shqiptare, tradita e artizanatit vazhdon të ruhet me fanatizëm në Troshan të Lezhës. Artizania 80-vjeçare Taze Lazri ka më shumë se 40 vite në tezgjah, e megjithatë vazhdon të punojë me të njëjtin pasion. Për Report Tv ajo thotë se do ta ushtrojë këtë zanat deri në momentin kur të mbyllë sytë.

Taze Lazri nisi të punonte në tezgjah kur 40 vite më parë iu desh t’i përgatiste pajën e nusërisë së bijës. Sot ajo 80 vjeç, por kjo nuk e pengon që të punojë çdo ditë me të njëjtin pasion.

“Tash 40 vjet e bëj këtë punë. E kam filluar ngadalë-ngadalë duke bërë shtrojca, çarçafë, jastëk etj”-shprehet Lazri.

Nevoja për të siguruar të ardhura ishte fillimisht ajo që e nxiti atë të mos hiqte dorë nga ky zanat, por pavarësisht viteve që mban mbi supe, Tazja vazhdon të mos ndjejë lodhje.

“Kur kam filluar kam filluar vetëm pajën e vajzës. U martua vajza e pastaj fillova të punoj dhe për vete e për fëmijët”-shprehet artizanja.

80-vjeçarja nga Troshani i Lezhës nuk e ka aspak të vështirë të kombinojë fijet në vegët mbi 50-vjeçare, ndërsa thotë se këtë punë do ta bëjë deri sa të mbyllë sytë.

“Kur s’ka njeriu para, pastaj një anë do mësoj njeriu për të ftuar ndonjë gjë. U bëra 80 vjet, jam mësuar duke bërë çdo gjë. Nuk e lë , kur të mbyllë sytë ndoshta e le krejt”-shprehet Lazri.

Zadrima e Lezhës është një ndër zonat që vazhdon të ruajë traditën e  larmishme të etnografisë me punime artizanale me dorë, grep dhe tezgjah.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu në Report TV: “Paketa e maleve” pozitive, por jo të gjithë emigrantët mund bëjnë bujtina apo hotele! Duhen oferta për kthimin e profesionistëve

Kreshnik Spahiu në Report TV: “Paketa e maleve” pozitive, por jo të gjithë emigrantët mund bëjnë bujtina apo hotele! Duhen oferta për kthimin e profesionistëve

24 Nëntor, 17:06