Një 4-vjeçar, u shtrua me urgjencë në Pediatrinë e QSUT-së me temperaturë të lartë.

Pas pesë ditësh kujdesi intensiv, ai fitoi betejën dhe sot është kthyer i shëndetshëm në krahët e familjes së tij. Siç Ministria e Shëndetësisë thotë në një postim publik, “familja falënderoi mjekët Aurel dhe Frida, si edhe të gjithë stafin e Pediatrisë, për profesionalizmin”, duke u dhuruar edhe ëmbëlsira.

“Një buzëqeshje që vlen sa një botë e tërë.

Kur një fëmijë sëmuret, çdo minutë duket e pafund dhe çdo prind ka vetëm një lutje: ta shohë sërish fëmijën e tij të buzëqeshë

Neonick Kullolli, vetëm 4 vjeç, u shtrua me urgjencë në Pediatrinë e QSUT-së. Pas pesë ditësh kujdesi intensiv, ndjekjeje të pandërprerë dhe përkushtimit të ekipit mjekësor, ai fitoi betejën dhe sot është kthyer i shëndetshëm në krahët e familjes së tij.

Me emocion dhe mirënjohje, familja falënderon mjekët Aurel dhe Frida, si edhe të gjithë stafin e Pediatrisë, për profesionalizmin, përkushtimin dhe kujdesin njerëzor që i qëndroi pranë në ditët më të vështira.

Çdo fëmijë që kthehet në shtëpi me buzëqeshje është fitorja më e madhe për ne.

Ky është misioni ynë. Çdo ditë. Me profesionalizëm, përkushtim dhe zemër”, shkruhet në postimin e Ministrisë.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Korrik, 10:41

    Sipas jush, protesta te Kuvendi a ka qenë e dhunshme nga ana e protestuesve?

Lajme të tjera