TIRANË- Dita e Dëshmorëve të Atdheut është përkujtuar sot ndryshe nga e kaluara, ku të pranishëm kanë qenë vetëm figura politike, në mungesë të veteranëve dhe të familjarëve të tyre. Me ceremonira të thjeshta, pa pompozitet për shkak të koronavirusit, krerët e institucioneve më të larta në çdo qytet të Shqipërisë, kanë vendosur kurora dhe buqeta me lule në këtë 5 maj të shënjuar në nder të atyre që dhanë jetën për liri.
Sot, presidenti Ilir Meta, kreu i Kuvendit Gramoz Ruçi dhe kryeministri Edi Rama janë bërë bashkë, por të distancuar ku janë përulur dhe kanë vendosur kurora lule pranë monumentit “Nëna Shqipëri”. Kryedemokrati Lulzim Basha ka zgjedhur që edhe në këtë ditë të jetë i veçuar nga pjesa tjetër e politikanëve. Ai ka mbërritur te varrezat e Dëshmorëve rreth orën 09:30, dhe ka vendosur lule në varreza të dëshmorëve, mes tyre edhe te Azem Hajdarit, kapitenit Feti Vogl, si edhe te varri i Skerdilajd Llagami, i rënë në luftën për çlirimin e Kosovës.
30 minuta më pas kanë mbërritur krerët e lartë të institucioneve. I pari ishte presidenti Ilir Meta, më pas kryetari i Kuvendit, Gramoz Ruçi dhe më pas kryeminstri Edi Rama që nderuan të rënët në luftë.
I vetmi që u prononcua për mediat ishte presidenti Ilir Meta. kryefjalë e fjalimit të tij ishte dita e dëshmorëve dhe koronavirusi, duke shmangur pyetjet mbi zhvillimet nga aktualiteti, përfshirë këtu edhe "çështjen Dvorani".
Dita e Dëshmorëve e ka origjinën në 5 maj 1942, kur u vra Qemal Stafa, i cili me veprimtarinë e tij u kthye në simbol të Luftës Antifashiste Nacionalçlirimtare. Në nderim të kujtimit të të rënëve për lirinë e vendit çdo vit në Varrezat e Dëshmorëve kryhen homazhe nga krerët më të lartë të shtetit shqiptar, por sot ky moment është futur në historinë e Shqipërisë, e cila u përkujtua në "diktatin" e koronavirusi, i cili ndikoi edhe në përkujtimin e heronjtë, ashtu si kurse në çdo zakon tjetër të përditshmërisë.
Kreu i Partisë Demokratike, Lulzim Basha në mesazhin e tij në nder të dëshmorëve, shkruan se kjo ditë duhet të shërbejë si një moment reflektimi!
"Sot nderojmë me mirënjohje të thellë kombëtare dëshmorët tanë që dhanë jetën duke luftuar për liri kombëtare dhe dinjitet njerëzor, për çlirim nga zgjedha e pushtuesve, dhe për demokraci e drejtësi.
Kjo ditë më shumë se kurrë na fton të reflektojmë mbi vlerat e vërteta që e bëjnë një shoqëri të lirë e të begatë, se sa të shenjta e të kushtueshme janë ato, se pa liri dhe dinjitet asgjë tjetër nuk ka kuptim dhe gjithçka është e rrezikuar.
Lavdi përjetë Dëshmorëve të Kombit! Zoti e bekoftë Shqipërinë", shkruan Basha.
Me maska, por pa distancim social, në Fier janë përkujtuar dëshmorët e atdheut. Në një numër të lartë të të pranishme, kjo në një kohë kur koronavirusi nuk është zhdukur, figura politike në Fier kanë përkujtuar të rënët në luftë. Kreu i Bashkisë, Armando Subashi në fjalën e tij tha se pavarësisht kësaj situata, nuk kanë harruar që të bëjnë nderimet e duhura për heronjtë.
"Jemi në një situatë të vështirë që po kalon e gjithë bota, ne nuk mund të harronim pa bërë nderimet e duhura heronjve tanë. Prandaj jemi bashkë dhe për të thënë lavdi jeta dhe vepra e tyre, i paharruar kujtimi i dëshmorëve tanë", tha Subashi.
Pa grumbullim masiv, në varrezat e dëshmorëve të rrethit të Lushnje edhe pse në kohë të vështira nga pandemia, janë kujtuar të rënët në luftë. Dita e 5 majit ashtu si asnjëherë tjetër është kujtuar vetëm nga një numër i vogël drejtuesish të pushtetit vendos dhe drejtues të organizatave të veteranëve. Kreu i bashkisë, Fatos Tushe dhe deputetet Tatjana Piro dhe Bujar Çela, të shoqëruar dhe nga drejtues të lartë të administratës publike kanë kryer homazhe me rastin e 5 majit në varrezat e dëshmorëve. Për shkak të pandemisë nuk kishte as familjarë dhe as spektatorë që normalisht në këtë ditë përkujtojnë të rënët për liri.
Një ceremoni përkujtimore në varrezat e qytetit, me një pjesëmarrje shumë të kufizuar të Komitetit të Veteranëve të Luftës së Kukësit dhe drejtuesve të pushtetit vendor janë përkujtuar dëshmorët e atdheut. Në këtë ceremoni morën pjesë prefekti i qarkut të Kukësit, Zenel Kuçana. Kryetari i Bashkisë, Safet Gjici dhe kryetari i Këshillit të qarkut, Abdullah Domi, të cilët vendosën kurora me lule pranë monumentet të Ushtarit të panjohur dhe homazhe te Varrezat e Dëshmorëve. Kjo vizitë ka shërbyer edhe një kujtesë për përfaqësuesit e pushtetit vendor për gjendjen që ndodhen këto varreza, të cilat pritet t'i nënshtrohen këtë vit rikonstruksioni.
Presidenti i Republikës, Ilir Meta nuk ka pranuar të flasë për kreun e KED, Ardian Dvorani, i cili një ditë më parë tha se kreu i shtetit nuk ka tagër të merret me mandatin e tij. Në komunikimin për gazetarët nga varrezat e Dëshmorëve, Kreu i Shtetit u ndal tek kontributi që kanë dhënë dëshmorët e Atdheut. Po ashtu Meta refuzoi t'i përgjigjet edhe pyetjes për vazhdimin ose jo të grushtit të shtetit.
"Sot është dita e dëshmorëve, është dita e nderimit tonë për ata që kanë dhënë jetën dhe gjithçka për vendin tonë, kështu që është një ditë për të shprehur jo vetëm përulësi ndaj veprës së tyre, por edhe për të përshëndetur familjarët dhe pasardhërist e tyre. Është një ditë për tu angazhuar që Shqipëria e lirë dhe demokratike të realizohet plotësisht", u shpreh Presidenti Meta, kur u pyet për çështjen e kreut të KED, Ardian Dvorani.
Meta apeloi që t'i kushtohet me shumë vëmendje edukimit të të rinjve, për t'u njohur më shumë me skarificat e dëshmorëve të Atdheut.
"Edhe njëherë sot apeloj për ti kushtuar më shumë vëmendje më të madhe edukimit të të rinjve, me LANC, me të vërtetat e saj më thelbësore, me sakrificat e saj të jashtëzakonshme, do të ishte mirë ti kushtonin më shumë vëmendje në procesin e edukimit dhe mësimdhënies. Do të ishte e domosdoshme që cdo fëmijë shqiptarë njëherë në jetë të shkojë falë programeve të shkollave për të vizituar Borovën apo vende të tjera dhe të shohin ato masakra çnjerëzore të pushtuesve, për të kuptuar se liria dhe pavarësia kanë ardhur nga një luftë e shenjtë që duhet të mbrohet", tha Presidenti Meta.
Një e nga një, fillimisht presidenti Ilir Meta, kreu i Kuvendit, Gramoz Ruçi dhe kryeministri Edi Rama anë vendosur kurora me lule pranë Monumentit “Nënë Shqipëri”. Të vetëm, duke ruajtur distancimin social, pa shtrëngime duarsh, krerët e institucioneve më të larta të vendit kanë përkujtuar në këtë ditë dëshmorët e rënë në luftë.
Përkujtohet dita e dëshmorëve të rënë në luftën antifashiste nacional çlirimtare në varrezat e dëshmorëve të qytetit të Beratit. Paraditen e sotme veteranet e luftës nuk kanë pritur organizimin e bashkisë Berat për përkujtimin e dëshmorëve, por ata kane zhvilluar ceremoninë herët. Me tufa me lule në duar dhe me grushtin lart, duke nderuar të rënët ata kanë kryer ceremoninë. Veteranët shprehen se ne nuk mund të prisnim bashkinë sepse koha jonë ështeë e kufizuar dhe nuk na lejohet me pas orës 9:30, prandaj e organizuam më herët.
"Ata dhanë jetën për shtetin dhe ne për shtetin jemi. Mos të dëmtohet kombi. I paharruar qoftë kujtimi i tyre,"-shprehet një veteran lufte.
"Ne respektojmë ligjet e shtetit, që nuk lejohen grumbullimet, por ne morëm leje në instancat drejtuese. Kjo është ditë e shënuar, pasi dëshmorët dhanë jetën për këtë truall. Nuk mund të rrinim ne pa i nderuar dhe për këtë arsye qeveria na dha leje. Ata dhanë jetën me grushtin lart dhe ne duhet të jemi fiks si në atë kohë,"-shprehet një tjetër veteran lufte.
"Vdekje fashizmit, liri e popullit. Sot është një ditë e bukur pranvere ashtu si ëndrrat e dëshmorëve, të cilët e donin Shqipërinë një shtet të organizuar, të fortë, me një mirëqenie të lartë. Ne sot vijmë këtu duke u përkulur me krenari për të gjithë dëshmorët e atdheut. Ne duhet të luftojmë që amanetin e dëshmorëve ta bëjmë realitet,"-shprehet një tjetër veteran.
Foto nga ceremonia e vitit të kaluar
Ashtu siç pritej, kreu i Partisë Demokratike, Lulzim Basha ka mbërritur i vetëm, i veçuar nga pjesa tjetër e politikës, në varrezat e Dëshmorëve, në përkujtim të të rënëve në luftë. Zyra e shtypit të PD-së njofton se Basha vendosi një kurorë me lule edhe në nderim të 22 intelektualëve të pushkatuar pa gjyq nga diktatura komuniste pas bombës në ish ambasadën sovjetike, në simbol të nderimit të opozitarizmit dhe shprehjes së lirë. Basha u përkul me nderim dhe përpara Heroit të Demokracisë Azem Hajdari.
Gjithashtu, kryedemokrati vendosi lule në nderim të kapiten Feti Voglit, i cili ra në krye të detyrës në Afganistan, në një mision të Shqipërisë si anëtare me të drejta të plota në NATO dhe para efektivëve të policisë të rënë në krye të detyrës në luftë kundër krimit, si dhe vendosi lule ne varrin e Dëshmorit te Atdheut Skerdilajd Llagami, i rënë në luftën për çlirimin e Kosovës.
Me një mesazh të shkurtër, kreu i Bashkisë së Tiranës, Erion Veliaj ka përkujtuar dëshmorët.
"Lavdi Dëshmorëve të Kombit! Përulemi në kujtim të atyre që dhanë jetën për lirinë, dinjitetin dhe të drejtat e çdo shqiptari", shkruan Veliaj.
Në Ditën e Dëshmorëve, Kreu i Kuvendit, Gramoz Ruçi e ka vënë theksin tek "Statusi për dëshmorët e atdheut". Ai thotë se është krenar që ka kontribuuar në këtë ligj në Kuvend.
“Dita e Dëshmorëve të Atdheut është ndër ditët më të shënuara të kombit. Është dita kur Shqipëria përkujton vajzat dhe djemtë, gratë dhe burrat, që janë flijuar për lirinë dhe mbrojtjen e saj. Çdo komb krenohet me të rënët për lirinë. Nuk ka vyrtyt më të lartë për një shoqëri se sa nderimi për dëshmorët. Dëshmorët nuk janë thjesht krenaria e të kaluarës, ata janë mesagjerët e të ardhmes. Qëndrimi ndaj dëshmorëve është shenjë e emancipimit dhe qytetërimit të shoqërisë. Çdo kohë ka pasur luftëtarët, vetmohuesit dhe dëshmorët e saj. Lufta Antifashiste Nacional-Çlirimtare është kuitesenca e luftrave çlirimtare të popullit shqiptar dhe dëshmorët e saj janë legjionarët e legjonarëve të lirisë dhe progresit shoqëror. Jeta e tyre është shkrirë në jetën e Shqipërisë. Heroizmi i tyre e fisnikëroi më tepër Shqipërinë. Sot buqeta me lule të freskëta në Monumentin “Nënë Shqipëri” është përbetimi se Shqipëria meriton gjithshka dhe është mbi gjithshka. Vite më parë, i përkujtonim dëshmorët bashkë me nënat e tyre. Sot kemi midis nesh mbesat, nipat e stërnipat e tyre. Kjo është dialektika e jetës. Familjet shqiptare do të ruajnë përjetësisht kujtimin dhe nderimin për të rënët për atdheun dhe lirinë. Unë jam krenar që kontribuova që Kuvendi i Shqipërisë të përmirësojë ligjin “Për statusin e dëshmorit të atdheut”, për të respektuar e nderuar më shumë dëshmorët, familjet dhe organizatat e tyre. Sot shërbimi për atdheun kërkon mbrojtjen e jetëve njerëzore dhe ne i jemi kushtuar me gjithshka”, shkruan Kryetari i Kuvendit, Gramoz Ruçi, në mesazhin e tij me rastin e 5 Majit, Ditës së Dëshmorëve të Atdheut.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21
LAVDI CLIRIMTAREVE DHE TE GJITHE ATYRE QE SAKRIFIKUAN GJITHECKA PER SHQIPERINE!
PërgjigjuGjej rastin t'ju them 'Lavdi", gjithë "Deshmorve të Atdheut", vecanarishte atyre të Policise së Shtetit të cilat dhane gjenë ma te shtrejte per te garantuar rendin dhe sigurine publike. Pasi vije në cdo përvjetr per rikujtuar vellajin tim Azem Ali Meshi, "Dëshmore i Atdheut", Ndërsa per sa i përket vizitave të politikanve (sot), ishte nje cermoni formale që cila zgjati jo me shume se dy minuta. Ndersa për familjaret e tyre nuk kujtohen asnjehere duke i quajtur disa të "atyre" disa "te ketyre", duke i politizuar, te rënet,...te cilët mendojne dite natë vetem per tenderat dhe korupsionin.
PërgjigjuBravo Basha vendose kuroren tek nje trafikant dhe jo tek monumenti qe i perkushtohet herojve te luftes.
PërgjigjuPoka surrat Basha per te nderu deshmieet.Ai eshte nje vrases.Natyrisht te kontrabandisti dhe trafikanti Hajdari do shkonte.Pushti nderon pushtin
maskarenj, ata vdiqen per atdheun kurse juve jetoni per te a vjedhur. Tufe me Kucedra, dhe Basha kuceder e vetmuar (meqe eshte vecan)
PërgjigjuNuk ke me asnje te drejte ti zesh me goje deshmoret o hipokrit... politika e sotme ishalla behet bashke ne Sharre apo Tufine... se ke deshmoret skeni as me te voglen lidhje....I PERJETSHEM QOFTE KUJTIMI I ATYRE QE DHANE JETEN PER LIRINE E KETIJ VENDI !!
Përgjigju