POP 5

Lajmet më të lexuara të 5 minutave të fundit

Ekonomi

5-mujori, “rrudhen” xhirot
e kompanive të sigurimit

Efektet e plogështisë ekonomike po ndjehen muaj pas muaji edhe në tregun e sigurimeve, ku, në muajin maj u shënua ngadalësim i mëtejshëm i ritmit të rritjes.
5-mujori, “rrudhen” xhirot<br />e kompanive të sigurimit
TIRANE - Efektet e plogështisë ekonomike po ndjehen muaj pas muaji edhe në tregun e sigurimeve, ku, në muajin maj u shënua ngadalësim i mëtejshëm i ritmit të rritjes.

Sipas të dhënave nga Autoriteti i Mbikëqyrjes Financiare, për pesë muajt e parë të vitit të ardhurat totale nga primet e sigurimit u rritën me 1.6% kundrejt të njëjtës periudhë të një viti më parë.

Segmenti i jetës u është rikthyer ritmeve më të mira të rritjes dhe për pesëmujorin të ardhurat nga primet ishin 15.7% më të larta krahasuar me vitin e kaluar. Ndërkohë, tregu i jo-jetës regjistroi një performancë negative dhe ra 0.6% me bazë vjetore.

Grupi i sigurimeve të detyrueshme motorrike, që vazhdon të përbëjë peshën kryesore në strukturën e të ardhurave, pësoi gjithsej një rënie me 5%. Brenda këtij grupi, sigurimi i brendshëm motorrik ra me afro 9%.

Një nga segmentet që vijon të shfaqë ecuri pozitive është ai i sigurimit të shëndetit, që ka njohur edhe rritjen më të lartë, me afro 26%.

Në pesë muajt e parë të këtij viti, kompanitë e sigurimeve kanë ulur ndjeshëm vlerën e dëmeve të paguara. Në pesë muajt e parë të vitit, dëmet e paguara u ulën me 11% kundrejt vitit të mëparshëm.

Shkrimi u botua sot në gazetën Shqiptarja.com (print) 27.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Kosovë/ Stacioni policor në Zveçan sulmohet me dy granata dore

Kosovë/ Stacioni policor në Zveçan sulmohet me dy granata dore

27 Nëntor, 10:50