‘5 pyetjet’, koleksionisti Gjergji Thimo: Koço Kokëdhima më ofroi pazar, donte të falsifikonte 100 ikona e t’i shiste në Qipro

Koleksionisti Gjergji Thimo, ka qenë i ftuari i mbrëmjes së sotme në emisionin “5 pyetjet nga Babaramo”. Thimo ka treguar ‘brengën e tij’ që prej momentit kur në 2013, policia sekuestroi ikonat e tij. Thimo u arrestua, e më pas u lirua, ndërkohë që në një bisedë me gazetarin Ilir Babaramo, ka folur edhe për ish-deputetin Koço Kokëdhima.

Thimo ka thënë se Kokëdhima i ka ofruar në vitin 2002, që të bëhej pjesë e falsifikimit të ikonave. Thimo shpjegon “skemën”. 100 ikonat më të mira të tij, do të ekspozoheshin në Qipro, e më pas kur të ktheheshin ikonat në Shqipëri do të ktheheshin ikonat e falsifikuara, pasi ato origjinalet do t’iu shiteshin dy specialistëve nga Qipro dhe Malta.

 

 

Donin të më bënin pjesë të trafikut të tyre, kur koleksioni im u certifikua Koço më tha: ”Hajde të bëjmë një ekspozitë në Spanjë, Qipro me njerëzit tanë. Kur të vij me 100 ikonat më të mira, do vijnë specialist nga Qipro dhe Malta dhe kur të kthehen ikonat do të jenë të falsifikuara. Ik o Koço i thashë.

Gjergji Thimo, koleksionist

Koleksionisti Gjergji Thimo ka folur edhe për një moment tjetër bashkëpunimi me Koço Kokëdhimën. Ai ka thënë se me ish-deputetin e PS, ka patur një miqësi të ngushtë, aq sa kanë qendruar deri në orët e vona të natës sëbashku.

Koço Kokëdhima le të shkonte t’i blinte. Vinë i shohin këtu e i marrin. Siç fola me fakte, për këto ikona që Koço i pa dhe më thonin që i ke vjedhur ti çdo ikonë.  Edi Ramën e kam takuar disa herë. Kam patur takime të veçanta, kemi folur për ekspozitën.

Kur vinte Koço, rrinte deri në 2-3 të natës, vinin diskutonin për hallet që kishin bashkë me gruan. Ramën e kam takuar njëherë tek shtëpia e Koços, njëherë në një galeri, dhe në disa ndërmjetësime të tjerat.

Gjergji Thimo, koleksionist

Thimo ka treguar se Kokëdhima i ka kërkuar që një nga ikonat Onufri, koleksionisti t’ja dhuronte ish-kryeministri britanik, Tony Blair, pasi për të kjo ishte diçka normale, pavarësisht se ishte në shkelje të plotë të ligjit.

Koço Kokëdhima dhe Edi Rama, në shtëpinë e Koços, e di mirë Koço. Në një dhomë të shtëpisë së Koços, ishim të tre. U diskutua që një ikonë t’i bëhej dhuratë Tony Blairit. Rama kruajti kokën dhe iku, ngelëm vetëm unë dhe Koço. Koço si megalloman që është se kujtonin se e kishin shtetin të tyre, më bëri kërkesë. Kur vajta në shtëpi, më bëri edhe SMS, futi edhe ndërmjetës, Sami Starova, që vidhte ikona. Ikonën e Onufrit më tha, sille ta shohë Edi Rama. Una refuzova dhe per kete me kane arrestuar.

Gjergji Thimo, koleksionist

Koleksionisti nga Korça, ka treguar edhe për operacionin Ikona të vitit 2013, ku iu sekustruan ikonat dhe ai u arrestua.

Operacioni Ikona, më 8 tetor, kur Rama mori pushteti organizoi një operacion. Ai për mua, pas 5 vitesh, pas një hetimi të plotë nga shteti, them me bindje të plotë, pas provave dhe fakteve që kam grumbulluar, i them opinionit publik, se u gënjyen mediat ndërkombëtare. Operacioni “Ikona” ishte banditesk dhe fashist. Policia mori brutalisht dokumentacionin. Në orën 7:20, hyri Artan Shkreli dhe Artan Lame dhe morën të gjitha objektet e mia. Interesi im ishte që këto objekte të certifikoheshin. Kryeministri është shprehur se falenderonte policinë e Shtetit, kurse për koleksionin tim, e quajti një thesar në duart e trafikantëve.

Në kohën e diktaturës ne kishim mbi 600 ikona në shtëpi. Babai im kishte ikona, prandaj kishin vlera. Ne i ruajtëm, babait iu bë edhe një gjyq, por s’u dënua se ishte partizan. Këto u ruajtën në shtëpi dhe u fshehën.

Nuk kisha 3 mijë ikona, por 2 mijë e 600. Nga ’90- deri në 2013, duke parë këtë fond, shteti më licensoi si muze privat i artit dhe kulturës. Kisha të drejtë të grumbulloja objekte. Isha i mbrojtur, kisha dalë për të mbledhur këto ikona, kur ikonostasës shkatërroheshin për dru në Greqi. Nuk ka patur vetëm një vjedhje në Shqipëri, por shumë. Kam patur shumë vepra, vetë Rama i ekspozonte këto. Kam bërë ekspozitë në Tiranë, kur ishin Kadare, ambasadorë, ministra dhe të tjerë.

I morën ikonat e mia Tahiri, e Kumbaro. I bëj një pyetje Ramës, si kryeministër. Si ka mundësi që dy ministra evropianë të ekspozojnë veprat e vjedhura nga një hajdut?! S’po flas më për të tjera gjëra. Po të kisha shitur vepra, nuk do isha në Shqipëri. Jam ende pa shtëpi, fjeta jashtë kur dola nga burgu. Ç’është ky bandit që thotë Kryeministri që bën ekspozitë me gjërat që vjedh. I kam grumbulluar për pasion. Këta i morën ikonat e mia dhe i dorëzuan në galerinë e Arteve. I them prokurores që ministrja e Kulturës, më datë 11.10.2013, dy ditë pas operacionit, urdhëron që të ketë leje që të ekspozojë veprat e artit. E frikshmja është se ky eliminoi prokurorinë.

Gjergji Thimo, koleksionist

Gjate intervistes, Gjergji Thimo ka treguar dy fotografi me te cilat pretendon se dy ikonat qe shihen pas kurrizit te Koco Kokedhimes ne shtepine e tij, i perkisnin koleksonit te tij te sekuestruar nga policia. Koço Kokedhima eshte i njohur si grumbullues dhe tregtar vepra arti dhe antikitete te ndryshme, origjina e te cilave nuk njihet. Edhe emisioni Stop i Klanit, dy vite me pare e kishte denoncuar me pamje filmike kete skandal, por prokuroria e asaj kohe nuk hapi asnje hetim. 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Berisha-Meta e partitë e vogla bashkë për zgjedhjet vendore, a mendoni se fitojnë përballë PS?



×

Lajmi i fundit

Tragjedi në Greqi, një varkë fundoset, tjetra përplaset me shkëmbin! Vdesin 17 vajza emigrante

Tragjedi në Greqi, një varkë fundoset, tjetra përplaset me shkëmbin! Vdesin 17 vajza emigrante