POP 5

Lajmet më të lexuara të 5 minutave të fundit

Kultura

50 vjet krijimtari të Zekthit
recital në TOB

50 vjetori i krijimtarisë së mjeshtrit të madh Besim Zekthi vjen në recitalin koreografik “Shqipja më dha krahë”, sot në skenën e Teatrit Kombëtar të Operas dhe Baletit.
50 vjetori i krijimtarisë së mjeshtrit të madh Besim Zekthi vjen në recitalin koreografik “Shqipja më dha krahë”, sot në skenën e Teatrit Kombëtar të Operas dhe Baletit.

Një repertor i zgjedhur, me pjesët më të mira të krijimtarisë së mjeshtrit të madh, vijnë për të gjithë admiruesit e këngës dhe valleve popullore nën interpretimin e solistëve dhe grupit të valleve, drejtuar nga Rexhep Çeliku.
recital ne tob
Ndërkohë, që kjo krijimtari e 50 viteve të karrierës artistike të Zekthit vjen nën tingujt e orkestrës së TKOB dhe grupit vokal drejtuar përkatësisht nga Vladimir Hasimi dhe Gramoz Burba.

Në një intervistë për emisionin e mëngjesit “Rreze Dielli” në A1 Report, mjeshtri i madh Besim Zekthi, u shpreh për këtë recital koreografik të ansamblit të këngëve dhe valleve popullore, si një domosdoshmëri për krijimtarinë e këngëve dhe valleve tona popullore.

“Vendosëm të sjellim këtë recital me koreografi të këngëve dhe valleve tona për t`i ringjallur për shkak se kanë humbur”. Ky recital vjen në kuadrin e gjithë valleve dhe këngëve popullore nga pothuajse të gjitha krahinat e Shqipërisë.
recital tob
Të ftuarit special sipas Zekthit janë njerëzit e thjeshtë që i duan këngët dhe valet popullore.

Në këtë recilat drejtori artistik i TOB, Sulejman Baltëza u shpreh se publiku do të argëtohet në këtë krijimtari folklorike, e cila vjen më afër spektatorin. Recitali do të përbëhet nga gjashtë valle nga të gjitha krahinat e Shqipërisë.

“Publiku do të dalë nga salla me një këngë të kënduar”, thotë Baltëza për këtë recital të rëndësishëm të krijimtarisë artistike të Zekthit.
sulejman balteza

Të veçanta gjatë kësaj mbrëmjeje artistike do të jenë edhe interpretimet e solisteve Sabahet Vishnja dhe Irini Qirjako, e ndërkaq edhe të ftuarit janë krejtësisht të veçantë.

Janë konkretisht emra të njohur si Myfarete Laze, Arif Vladi dhe Fatmira Breçani. Redaksia Online (m.z/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku