52 vitet e Frederik Ndocit

Ylli i muzikës së lehtë shqiptare Frederik Ndoci, festoi sot 52 vjetorin e tij të lindjes. Në një prononcim për Shqiptarja.com Ndoci u shpreh se, “gjithçka kaloi mirë pranë njerëzve të mi të dashur. Mora shumë mesazhe e urime, nga miq, kolegë e të afërm dhe i falenderojë shumë nga zemra. “
Këngëtari Frederik Ndoci u rikthye këtë vit në edicionin e 50-të të Festivalit të Këngës në RTSH me këngën me titull “Jeta ime”. Në edicionin e 45-të këtij festivali Ndoci, fitoi cmimin e parë dhe përfaqësoi Shqipërinë në 'Eurovision Song' me këngën Balada e Gurit ( Hear my plea) . Kënga nuk u kualifikua në finale duke u renditur e 17-ta. Këngëtari shkodran Frederik Ndoci është një nga zërat më të bukur dhe më potent të muzikës së lehtë shqiptare.