POP 5

Lajmet më të lexuara të 5 minutave të fundit

Sport

600 mln euro për t’u eliminuar në çerekfinale, Guardiola: Jashtë për një gol më dorë

Edhe një herë tjetër kthim në shtëpi pa qenë i zoti të futet në katërshen finale të Champions League pasi fitorja në këtë kompeticion Pep Guardiolës i mungon që prej vitit 2011-të.

600 mln euro për t’u eliminuar në çerekfinale, Guardiola: Jashtë për një gol më dorë

Edhe një herë tjetër kthim në shtëpi pa qenë i zoti të futet në katërshen finale të Champions League pasi fitorja në këtë kompeticion Pep Guardiolës i mungon që prej vitit 2011-të. Në atë edicion Barcelona e tij triumfonte ndaj Manchester United në “Wembley”.  Për të gjetur gjysmëfinalen e fundit që ka qenë Pep Guardiola duhet të kthehemi në kohën kur spanjolli drejtonte Bayernin. Për të qenë më të saktë akoma në tre sezonet e kaluara tek gjigantët gjermanë Guardiola është frenuar në fazën gjysmëfinale pa arritur dot finalen dhe në të trija edicionet është eliminuar nga ekipet spanjolle.

Ndërsa në tre sezonet e fundit që drejton Manchester City-n , Pep Guardiola nuk ka shkuar dot më larg se çerekfinalet pavarësisht se sheikët kanë shpenzuar në merkato plot 600 mln euro. Monaco, Liverpool dhe Tottenham kanë eliminuar Cityn e Guardiolës nga Champions që në çerekfinale. Ndoshta City edhe pse ka shpenzuar 600 mln euro tre vitet e fundit e dinte mjaft mirë që ta fitojë Championsi-n do ishte e vështirë, por edhe që të eliminohej në çerekfinale nuk i kishte shkuar në mendje.

Në përfundim të ndeshjes me Tottenham tekniku spanjoll ka deklaruar :”Jam shumë krenar për reagimin e tifozerisë sonë. Patjetër që jemi të trishtuar por do ecim përpara pasi futbolli është i paparashikueshëm. Unë e mbështes VAR, por ne jemi jashtë Championsi-t për shkak të një gabimi pasi jemi jashtë për shkak të një goli me dorë. Ai i shënuar nga Llorente është një gol që shihet në ndeshjet e hendbollit” e mbyll Guardiola.

Përgatiti: Andi Kapxhiu

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46