POP 5

Lajmet më të lexuara të 5 minutave të fundit

Ekonomi

65-vjetori i Minierës së Bulqizës
Balfin Group: Do sjellim ndryshim

Punëtorët e Bulqizës nga dhjetori kanë marrë pagën e tyre të 13, ndërkohë që investitori i ri, "Balfin Group" premton se do të ndryshojë gjendjen e minierës së Bulqizës në një kohë rekord.
65-vjetori i Minierës së Bulqizës <br />Balfin Group: Do sjellim ndryshim
BULQIZE - Punëtorët e Bulqizës nga dhjetori kanë marrë pagën e tyre të 13, ndërkohë që investitori i ri, Balfin Group që ka marrë në dorëzim këtë pasuri të rëndësishme kombëtare, premton se do të ndryshojë gjendjen e minierës së Bulqizës në një kohë rekord, duke investuar me dhjetëra milionë euro.

Ditën e djeshme, në ambientet e minierës së Bulqizës, në prezencë të punëtorëve, banorëve të zonës dhe drejtuesve vendorë, është kryer ceremonia e 65 vjetorit të hapjes së kësaj miniere.

Balfin Group, pranon nëpërmjet një njoftimi për shtyp, se ka marrë një industri në gjendje dhe kushte të mjerueshme, edhe financiare.
“Gjendja financiare e shoqërisë aksionere që ka operuar për vitet e fundit nuk ka qenë aspak e kënaqshme. Vlen të theksohet se për vite të tëra, kjo shoqëri ka operuar me miliona euro humbje. Ne nuk duam të diskutojmë shkaqet e kësaj gjendjeje, përveçse e kemi konsideruar këtë si një mundësi, për të transformuar mënyrën sesi kjo shoqëri ushtron veprimtarinë e saj, duke vënë në dispozicion të përmirësimit të menjëhershëm të gjendjes, çdo burim njerëzor dhe financiar që ne disponojme si Balfin Grup” thuhet në njoftimin për shtyp të kësaj kompanie.

“Në lidhje me përfitimin e kontrollit mbi shoqërinë ACR, Balfin Grup garanton dhe njëherë se do të operojë pa ju shmangur asnjë detyrimi, qoftë ky kontraktual, fiskal, rregullator apo i çfarëdolloj natyre ndaj çdo pale të tretë, përfshirë dhe shtetin. Duke përmendur këtu edhe detyrimet ndaj kontraktorëve vendas” thuhet në njoftimin e Balfin Group.

miniera bulqize balfin
(Nga aktiviteti i 65-vjetorit të Miniserës, Shikoni këtu të tjera foto

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Armëpushimi në Liban do të shpallet sonte pas orës 22:00

Media: Armëpushimi në Liban do të shpallet sonte pas orës 22:00

26 Nëntor, 15:21