POP 5

Lajmet më të lexuara të 5 minutave të fundit

Opinion

7 arsye se pse nuk duhet votuar asnjë nga 61 kandidatët e çiftit Meta-Berisha në 14 maj 

Kandidatët e opozitës për bashkitë e mëdha (Tiranë, Durrës, Elbasan, Fier, Vlorë dhe Shkodër), por edhe për disa bashki të tjera, ç'është e vërteta, nuk janë të ngarkuar me histori korrupsioni apo pasurim të dyshimtë). 

7 arsye se pse nuk duhet votuar asnjë nga 61 kandidatët e çiftit Meta-Berisha në 14 maj 

Sali Berisha dhe Ilir Meta

Kandidatët e opozitës për bashkitë e mëdha (Tiranë, Durrës, Elbasan, Fier, Vlorë dhe Shkodër), por edhe për disa bashki të tjera, ç'është e vërteta, nuk janë të ngarkuar me histori korrupsioni apo pasurim të dyshimtë). 
Fatkeqësia e tyre politike është se janë përfaqësues të Sali Berishës dhe Ilir Metës, një murtajë e vjetër që përpiqet të mbijetojë dhe të rikthehet si një virus i ri dhe i panjohur. 

Sikur një bashki të marrë çifti Meta-Berisha, do të ishte e rrezikshme për Shqipërinë, sipas meje, për 7 arsye. Së pari, do të përdorej prej tyre si sfidë ndaj Shteteve të Bashkuara të Amerikës, në kuadër të tezës së sovranitetit, një preteskt ky karagjoz për të ruajtur pozitat politike, pasuritë e vjedhura, veten dhe familjet nga veprimi i drejtësisë. Së dyti, vota për çdo kandidat të çiftit Berisha-Meta, lexohet si një votë pro nongratave dhe kundër sanksioneve të SHBA-ve ndaj politikanëve të korruptuar. Si e tillë, do të zhvlerësonte shpalljen non grata të politikanëve aktualë dhe të atyre që pritet të bëhen pjesë e listës së zezë. Çdo votë pro ‘non grata-ve’ do të ishte inkurajim për korrupsionin që po ndëshkohet nga Perëndimi, por jo nga drejtësia shqiptare. 

Së treti, çdo bashki e madhe e fituar do të përdorej nga çifti Meta-Berisha si revansh dhe presion ndaj SPAK, për të mos finalizuar hetimet për 9 dosje korrupsioni dhe krimesh, me protagonistë pikërisht Ilir Metën dhe Sali Berishën. Së katërti, çdo bashki e fituar, do të shërbente si oksigjen korrupsioni për të ringjallur LSI-në, një organizatë me karakter familjar, që ka turp nga emri i saj dhe i kryetarit Ilir Meta, për shkak të imazhit si simbol plaçkitjes, pazareve, akrobacive politike dhe korrupsionit 25-vjeçar të çiftit Meta-Kryemadhi. 

Së pesti, çdo votë për kandidatët e çiftit Berisha-Meta është në funksion të planit të Ilir Metës për t'u konsoliduar si pasardhës i Sali Berishës në PD, pas 'djegies' së Lulzim Bashës dhe shuarjes së shpresave për të marrë drejtimin e PS-së, një ëndërr kjo që prej vitit 1994 kur nisi të bashkëpunonte me Berishën. Së gjashti, kandidatët e çiftit Berisha-Meta nuk kanë asnjë lidhje me administrimin e punëve të qytetit, ndryshimin dhe projektet. Ku do t'i marrin paratë ata për të mbajtur premtimet? Buxheti i shumicës së bashkive nuk mjafton as për pagat e administratës dhe pastrimin. Edhe sikur kandidatët të mos ishin pjesë e luftës politike të çifit Berisha-Meta, ai që do të fitojë, maksimumi do të punësojë disa nga njerëzit e LSI-së dhe Foltores, si dhe do të akuzojë qeverinë për mungesë mbështetje. Koha do ta tregojë. 

Së shtati dhe më e rëndësishmja, vota pro kandidatëve të çiftit Meta-Berisha, do të mbyllte hapësirat edhe për disa vite për krijimin e një opozite të re dhe të papërlyer në Shqipëri. Opozita do të mbetej monopol i çiftit Meta-Berisha, për hallet dhe interesat e tyre familjare, llogaritë e hapura me drejtësinë, për të çarë izolimin ndërkombëtar dhe provuar rikthimin në pushtet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aqif Kapertoni: 07/05/2023 21:31

    Popullit duhet thane e verteta lakuriqe me kot mundohesh e me kot torturohesh ngado qe te vesh mrena do e kesh.

    Përgjigju
  • Mohammad: 07/05/2023 17:40

    Te votosh meten e berishen si prurje e re,eshte si te quash prurje te re haxhi qamilin. Ju garantoj qe kush genjehet per nje vend pune mire qe sdo e marrin dot pasi te dy kto do jene pas hekurave,por ju fshihet emri per cdo sherbim ne bashkine ku jetojne

    Përgjigju
  • E verteta: 07/05/2023 17:33

    Jane 61 arsye per cdo kandidat te rilindjes pse mos votohen. Te gjitha skandalet videopergjimet arrestimet , vjedhjet, abuzimet financiar edhe morale kane ndodhur nga keto kandidate. Pse duhet me apo meqe e kane ber rruge si tna e fusin te vazhdojn. Nuk ben vaki ne asnje vend botes qe pushtetit te jet 100% ne nje drejtim vetem ne DIKTATURE. Posht dikatatura rrofte populli

    Përgjigju
  • Sondazhi i ditës:
    14 Dhjetor, 13:13

    Berisha boton foton e gruas së Dumanit duke i rrezikuar jetën! Si e gjykoni?

Lajme të tjera



×

Lajmi i fundit

VIDEO/ Barcelona turpërohet në shtëpi, Leganes e mposht 0-1! Kreu në rrezik

VIDEO/ Barcelona turpërohet në shtëpi, Leganes e mposht 0-1! Kreu në rrezik

15 Dhjetor, 23:00