Sot në Shqipëri festohet dita e mësuesit, për ta fjalët e mira nuk kanë të sosur. Madje edhe historitë e tyre janë shumë prekëse, sidomos në të kaluar e cila është shumë më interesante se e mësuesve të së tashmes. Mësues Fran Ukcama i cili është me origjinë nga Tropoja, por prej vitesh jeton në Fier, tregon një histori nga rinia e tij si mësues.  Ai ka filluar mësimdhënien që në moshën 19 vjeçare. Vitin e parë të mësimit e ka nisur në fshatin Brizë të Tropojë. Ndërsa që nga viti 1973 deri në vitin 1997 ku ka dal në pension ai ka dhënë mësim në qytetin e Fierit. Por historia e mësues Franit zë fill në vitin e parë të shkollë. Fshati ku jepte mësim ishte 12 orë larg shtëpisë së tij, nga Bajram Curi për në Brizë. Ishte dimri i vitit 1964 ku mësues Frani ishte nisur drejt vendit të tij të punës, por në rrugë e sipër reshjet e shumta të borës mësues Franin e bllokojnë në një fshat rreth 1 orë e  gjysmë nga vendi i tij i punës.

Fran Ukcama ka ndarë me Report Tv “Një kujtim që s’më hiqet kurrë nga mendja është e viteve ’64, isha caktuar mësues në një fshat shumë të largët, 12 orë larg. Pavarësisht se ishte dëborë dhe larg ne duhet të shkonim për ta hapur shkollën sepse kështu ishin kërkesat e asaj kohe. Dhe unë bashkë me një mësues ngelëm në një fshat afër fshatit Brizë. Ngela në një shtëpi aty 4 ditë dhe 4 net duke pritur se mos pushon dëbora.”

Pas 4 ditësh është dashur ndëhyrja e banorëve të zonës të cilët kanë hapur rrugën me këmbë, pasi mësuesi ishte shumë i ri për të çarë borën deri në fshat.

“Kur pushoi bora, malësorët e këtij fshati thërritën me jehonë, me zëri për situatën. Më pas erdhën dy tre djem të rinj dhe hapën rrugën dhe më morën dhe më çuan tek shkolla. Mbaj mend se dhe nxënësit të nesërmen, megjithëse se kishte rënë 1 metër e gjysmë borë, kanë ardhur në shkollë.”është shprehur Fran Ukcama.

Edhe pse kanë kaluar 54 vite nga viti i parë i mësimdhënies, mësues Fran Ukcama kujton me endje ditët kur i gjithë populli ishte në dispozicion të mësuesve, vetëm e vetëm që fëmijët e tyre mos të mbeteshin një ditë pa mësim.

Redaksia Online
m.p/shqiptarja.com