70-vjetori, kujtohet studiuesi
arvanitas Aristidh Kola

Në Muzeun Historik Kombëtar sot në orën 11.00 do të mbahet një konference përkujtimore me rastin e 70-vjetorit të lindjes së juristit dhe studiuesit arvanit, Aristidh Kola. Tema e kësaj konference është “Arvanitët dhe Aristidh Kola”.

Referuesit kryesorë do të jenë Behar Gjoka me kumtesën “Gjuha e perëndive e Aristidh Kolës”, Nasho Jogaqi me kumtesën “Vizion mendimtari apo hipotezë shkencore”, Hysni NDreu “Aristidh Kola ne kujtimet e mia”, Irakli Koçollari “Folkolori arvanitas në optikën e Aristidh Kolës, etj. Aristidh Kola lindi më 8 korrik të vitit 1944 në Kaskaveli të Thivës në Greqinë Qendrore, zonë e cila banohet kryesisht nga arvanitas.

Aristidhi, si edhe mijëra e mijëra bashkëkombës të tij, u edukuan me frymën e dashurisë për traditat e të parëve, që trashëgoi kjo pjesë e popullatës shumëkombëshe e Greqisë së sotme. Aristidh Kola studioi për jurisprudence në Athinë dhe pas mbarimit të universitetit, për shumë kohë iu përkushtua traditave kombëtare të arvanitasve në Greqi. Vepra e tij kryesore, “Arvanitasit dhe origjina e grekëve”, bëri një jehonë të gjerë në botën arvanitase; njohu 9 botime brenda dhjetë vjetëve.

Kola botoi revistën “Besa”, si dhe revistën tjetë “Arvanon”. Këto revista pasqyronin jetën dhe traditat e botës arvanitase. Ndërkohë kolona e veprave të tij ka tronditur shumë nga tezat shkencore për prejardhjen dhe origjinën e shqiptarëve dhe të gjuhës shqipe.

Shkrimi u botua në numrin e sotëm të gazetës "Shqiptarja.com", versioni print

Redaksia Online