72 vjeçari britanik, 10 muaj me Covid-19, testohet 42 herë pozitiv, i parapërgatitet 5 herë funerali

Të infektuarit me COVID-19, edhe pse e padëshirueshme ka rezultuar e pashmangshme për më shumë se 180 milionë persona dhe fatale për pothuajse 4 milonë persona.

Dave Smith, 72 vjeçari britanik është një ndër rastet e rralla pasi ka pasur më shumë 290 ditë i infektuar me COVID-19. Ai u infektua me koronavirus në fillim të valës së parë në Mbretërinë e Bashkuar në vitin 2020 dhe për gati 10 muaj kishte simptoma të shumta. Gjatë asaj periudhe, Smith, rezultoi 42 herë pozitiv dhe u shtrua në spital shtatë herë.

“Sa herë që ndihesha keq dhe isha në prag të vdekjes, gruaja ime organizonte përgatitjet e fundit, ka organizuar një funeral pesë herë”, tha ai.

LEXO EDHE:
Anglia drejt ndalimit të duhanit: Kush ka lindur pas 1 janarit të vitit 2009 nuk mund të blejë cigare

Smith ndihet me fat që ka shpëtuar, por është i vetëdijshëm që jeta për të pas COVID-19 nuk do të jetë njësoj për të.

“Por unë e di që kurrë nuk do të jem 100% mirë sepse Covid ka shkatërruar mushkëritë e mia,  pasi kam probleme të vazhdueshme të frymëmarrjes.” “Por çdo ditë që jetoj tani është një bonus”. 

TAG:
• Mbreteria e Bashkuar
• Koronavirus
• Vaksina Covid