TIRANË- Me rastin e 74 vjetorit të Festës së Republikës Italiane, politikanët shqiptarë kanë uruar homologët italian.
Urimet e tyre janë përqendruar në betejën e shteteve ndaj COVID-19, duke qenë Italia ka qenë një nga shtetet më të prekura në Europë. Presidenti Ilir Meta uron që vendet të rikthehen sa më shpejt në normalitet, e ndërsa kreu i Kuvendit, Gramoz Ruçi shprehet se është i lumtur teksa sheh që Italia po ia del mbanë në këtë betejë globale.
Nuk ngurojnë vlerësimet, falenderimet për ndihmën e dhënë nga Italia përgjatë gjithë viteve, e ndërsa vënë theksin tek bashkëpunimi në rritje mes dy vendeve.
Kryetari i Kuvendit, Gramoz Ruçi, u ka dërguar sot një letër urimi Kryetarët e Dhomës së Deputetëve, Roberto Fico, dhe Kryetares së Senatit, Maria Casellati, me rastin e 2 Qershorit, Festës së Republikës Italiane.
Ruçi shprehet se është i gëzuar që Italia po ia del mbanë në luftën me COVID-19, duke falenderuar Italinë për të gjithë ndihmën e dhënë përgjatë gjithë këtyre viteve.
“Me rastin e 2 Qershorit, Festës së Republikës Italiane, Ju dërgoj urimet më të mira për popullin e Italisë, Senatin Italian dhe Ju personalisht. Vendosja e Republikës Italiane me votat e qytetarëve italianë, si rezultat i Referendumit të 2 qershorit 1946, në të cilin për herë të parë votuan edhe gratë, është një ngjarje e madhe historike për sistemin demokratik, emancipimin politik e shoqëror të Italinë si edhe të ardhmen e popullit Italian.
Italia është për Shqipërinë një vend fqinj, mik i çmuar dhe partner strategjik shumë i rëndësishëm. Vendet tona i lidh një miqësi e gjatë, e cila u ka rezistuar të gjitha sprovave të historisë. Italia ka qenë për ne, shqiptarët, dritarja prej nga shihnim Perëndimin dhe të ardhmen demokratike të Shqipërisë. Miqësia e fortë midis të dy vendeve tona ushqehet edhe nga prezenca e Diasporës shqiptare, komunitetit arbëresh dhe emigrantëve që u vendosën në Itali pas vitit 1990.
Shqipëria i është mirënjohëse Italisë për mbështetjen e vazhdueshme, kontributin shumë të madh dhe rolin e saj si avokatja e integrimit europian të Shqipërisë. Vendimi i Këshillit Europian në mars të këtij viti për çeljen e negociatave me Shqipërinë është meritë e rezultat edhe i mbështetjes së fuqishme të Qeverisë së Italisë, Senatit Italian dhe Tuajës personalisht. Gjatë muajve të fundit Italia, ashtu si edhe Shqipëria dhe gjithë njerëzimi, vuajti pasojat e pandemisë, të cilat për popullin italian ishim ndër më të rëndat. Ne ndoqëm nga afër betejën e mjekëve, popullit dhe institucioneve italiane për të shpëtuar jetët njerëzore dhe tashmë gëzohemi që Italia po del nga kjo situatë dhe po i kthehet gradualisht normalitetit.
Shpreh bindjen se marrëdhëniet dhe bashkëpunimi shumë i suksesshëm i Kuvendit të Shqipërisë dhe Dhomës së Deputetëve e Senatit të Italisë, do të rifillojë shumë shpejt dhe përfitoj nga ky rast për të përsëritur ftesën time për një vizitë zyrtare Tuajën në Shqipëri.”, shkruan Kryetari i Kuvendit, Gramoz Ruçi.
Me rastin e 74 vjetorit të Festës së Republikës Italiane, presidenti Ilir Meta i ka dërguar një letër presidentit Sergio Mattarella.
Në letrën e tij, kreu i shtetit vë theksin tek forcimi i marrëdhënieve mes dy shteteve, e ndërsa nuk ka kaluar pa vëmendje edhe momenti i vështirë që po kalon bota, pandemia e COVID-19.
Italia ka qenë një nga shtetet më të prekura nga koronavirusi në Europë dhe urimi është që vendet të kthehen sa më shpejt në normalitet.
Letra e presidentit Ilir Meta
Më lejoni që me rastin e Festës së Republikës Italiane, të shpreh në emrin tim dhe të popullit shqiptar, urimet më të ngrohta e miqësore, për Ju personalisht dhe për popullin mik Italian. Shqipëria dhe Italia kanë sot marrëdhënie të veçanta e të partneritetit strategjik, të cilat reflektohen në të gjitha fushat e dimensionet e bashkëpunimit dypalësh, shumëpalësh si dhe iniciativave apo organizatave të tjera rajonale dhe ndërkombëtare. Konstatoj me kënaqësi se falë traditës dhe vullnetit të mirë të të dyja palëve, këto marrëdhënie janë bërë më të forta e shumë më intesive.
Dy popujt tanë, miq prej shekujsh, ndërveprojnë gjithnjë e më shumë me njëri-tjetrin. Arbëreshët e Italisë, një urë lidhëse e vjetër dhe e qëndrueshme, si dhe mijëra shqiptarë që pas viteve ’90 gjetën mikpritje e mbështetje në Itali e kanë forcuar në mënyrë të vazhdueshme miqësinë midis dy vendeve. Gëzohem pa masë kur mësoj se numri i qytetarëve italianë që investojnë, bëjnë biznes, punojnë, studiojnë apo që vijnë për turizëm në Shqipëri rritet çdo ditë, duke i bërë më të forta e të pazgjidhshme marrëdhëniet midis dy kombeve tona.
Përfitoj nga rasti të shpreh mirënjohjen e thellë për të gjithë mbështetjen që Ju personalisht dhe të gjitha autoritetet dhe institucionet italiane po i japin Shqipërisë në kuadër të procesit të integrimit evropian. Ndjehemi me fat që në realizimin me sukses të kësaj aspirate kemi një mbështetës dhe avokat të jashtëzakonshëm si Italia.
I nderuar mik, Ndërsa pandemia e COVID-19-ës po godet mbarë botën dhe vendet tona, uroj që së bashku, me përpjekje të mirëmenduara e të koordinuara, me mençuri dhe forcë, ta kapërcejmë këtë situatë, të rikthehemi së shpejti në normalitetin e jetës së përditëshme dhe të kemi një të ardhme sa më të mirë për të gjithë ne.
Me urimet më të mira për shëndetin dhe lumturinë Tuaj, si dhe dëshirën për të vijuar së bashku me Ju forcimin e mëtejshëm të marrëdhënieve miqësore midis dy vendeve tona, ju lutem pranoni, Zoti President, shprehjen e konsideratës sime më të lartë.
Lajme të tjera
-
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
