77-vjeçari u la në burg pasi vrau të birin, flet avokati: Viktima tentoi ta hidhte në pus, krimi për vetëmbrojtje

Avokati i 77-vjeçarit Shefki Bylykbashit, Nevzat Tarelli, në një prononcim për gazetarët tha se ka dyshime se mund të kemi të bëjmë me një vrasje e në kushtet të vetëmbrojtjes, kjo edhe për shkak se viktima kishte varësi nga alkooli dhe ushtronte dhunë permanente.

“Ka dyshime se mund të mos jemi në këto vepra penale, por mund të jemi në kushtet e vrasjes për vetëmbrojtje, apo për shkak të kushteve të vrasjes si pasojë e tronditjes psikike për shkak të sjelljes permanente dhe në ditën e ngjarjes, të viktimës. Viktima ka pasur varësi të theksuar alkooli dhe ushtronte dhunë permanente ndaj prindërve të vetë. Edhe ditën e ngjarjes viktima ka ardhur në shtëpi, dhe ka ushtruar dhunë ndaj babait të tij. Prokuroria ka kryer dhe ekzaminime mjeko-ligjore dhe më pas ka precipituar situata. Klienti im pohon se ka pasur një tentativë të viktimës për ta hedhur në pus, dhe ai ka përdorur për vetëmbrojtje një çekiç duke e goditur në kokë. Ka pasur dhunë fizike e verbale, dhe fjalor poshtërues. Viktima është trajtuar për 3 javë për të lënë alkoolin, por ai nuk e ka respektuar, duke reaguar dhe dhunshëm. Ka shprehur pendesë, ka qarë gjatë gjithë kohës në sallë.”, tha avokati Nevzat Tarelli.

Lajmi kryesor:

VIDEO/ Lihet në burg 77-vjeçari që vrau të birin në Maliq! Në gjykatë shfaqet kokulur e i revoltuar: Ça doni nga unë, jam i mbaruar nga trutë

M.Q./Shqiptarja.com

TAG:
• Korce
• maliq
• Shefki Bylykbashi
• Hamdi Bylykbashi