KORÇË- Me kokën ulur mbi tavolinë dhe i shqetësuar, Shefki Bylykbashi, 77-vjeçari i cili vrau me çekiç të birin Hamdi Bylykbashi, për vetëmbrojtje, pak ditë më parë në Maliq në fshatin Zvezdë, ka dalë sot para gjykatës. Autori është shfaqur kokulur para kamerave dhe shumë i revoltuar.
‘Çfarë doni, ça... jam i mbaruar nga trutë.’- dëgjohet të thotë ai në sallën e gjyqit.
77-vjeçari, i braktisur nga të gjithë familjarët, është lënë në burg nga gjykata. Avokati i të moshuarit kërkoi që prokuroria të ndërrojë akuzën e vrasjes në rrethana familjare, dhe të hetohet për vrasje për vetëmbrojtje.
Ngjarja u raportua fillimisht si aksidentale, por pas hetimeve të kryera nga policia e Korçës është zbardhur, duke çuar në pranga Shefki Bylykbashin, 77-vjeç, i cili me sende të forta qëlloi të birin në kokë, Hamdi Bylykbashi, 50 vjeç që ndërroi jetë në spital.
Familjarët fillimisht u kanë deklaruar hetuesve se 50-vjeçari ka qenë në gjendje të dehur dhe është rrëzuar e si pasojë ka dëmtuar edhe kokën. Por pas hetimeve u siguruan provat, përmes së cilave rezultoi se 50-vjeçari ka qenë në gjendje të dehur dhe është konfliktuar në shtëpi me babanë, Shefkiun, të cilin ka dashur t'ia hedhë në pusin e ujit në oborr.
Më pas 77-vjeçari, e ka goditur disa herë në kokë me çekiç që përdoret për të thyer gurë dhe si pasojë e dëmtimit të rëndë, 50-vjeçari ka humbur jetën gjatë rrugës për në spitali. Pas hetimeve paraprake, policia ka arrestuar 77-vjeçarin nën akuzën e vrasjes për shkak të marrëdhënieve familjare.
I moshuari në dëshminë e tij mësohet të jetë shprehur i penduar dhe i lënduar për humbjen e të birit, të cilin ka theksuar se nuk kishte qëllim ta vriste, por vetëm ta neutralizonte për shkak se gjatë sherrit, dali 50-vjeçar në gjendje të dehur, kishte tentuar sipas tij që ta hidhte në pus.
Avokati i 77-vjeçarit Shefki Bylykbashit, Nevzat Tarelli, në një prononcim për gazetarët tha se ka dyshime se mund të kemi të bëjmë me një vrasje e në kushtet të vetëmbrojtjes, kjo edhe për shkak se viktima kishte varësi nga alkooli dhe ushtronte dhunë permanente.
“Ka dyshime se mund të mos jemi në këto vepra penale, por mund të jemi në kushtet e vrasjes për vetëmbrojtje, apo për shkak të kushteve të vrasjes si pasojë e tronditjes psikike për shkak të sjelljes permanente dhe në ditën e ngjarjes, të viktimës. Viktima ka pasur varësi të theksuar alkooli dhe ushtronte dhunë permanente ndaj prindërve të vetë. Edhe ditën e ngjarjes viktima ka ardhur në shtëpi, dhe ka ushtruar dhunë ndaj babait të tij. Prokuroria ka kryer dhe ekzaminime mjeko-ligjore dhe më pas ka precipituar situata. Klienti im pohon se ka pasur një tentativë të viktimës për ta hedhur në pus, dhe ai ka përdorur për vetëmbrojtje një çekiç duke e goditur në kokë. Ka pasur dhunë fizike e verbale, dhe fjalor poshtërues. Viktima është trajtuar për 3 javë për të lënë alkoolin, por ai nuk e ka respektuar, duke reaguar dhe dhunshëm. Ka shprehur pendesë, ka qarë gjatë gjithë kohës në sallë.”, tha avokati Nevzat Tarelli.
Komente
Lajme të tjera
-
Korça feston Krishtlindjet, mbahet mesha në Katedralen ‘Ngjallja e Krishtit’
25 Dhjetor, 10:53 -
Fluks lëvizjesh në Kapshticë! Punohet me 6 sportele për të shmangur radhët dhe pritjet
24 Dhjetor, 14:29 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)
23 Dhjetor, 15:34 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën (VIDEO)
23 Dhjetor, 11:26 -
Korçë/ Hyri me forcë në bankën e nivelit të dytë mbrëmjen e së shtunës, arrestohet 38-vjeçari: Nuk mbaj mend gjë, isha i dehur (EMRI)
23 Dhjetor, 09:40 -
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur
22 Dhjetor, 12:34
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
-
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Korçë/ Shpërndanin kokainë në doza, arrestohen 4 persona, mes tyre një turk! Sekuestrohet 1 pistoletë, 57 gr kokainë dhe rreth 9 mijë euro
21 Dhjetor, 10:13 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49
O gazetare leshi lereni njeriun ne hall te vet. Raportoni per kete hallexhiun. Pse nuk raportoni per politikane apo per kriminela, apo te ata nuk jua mban ju.
Përgjigju