POP 5

Lajmet më të lexuara të 5 minutave të fundit

Sociale

8 marsi i Rudinës, rrit fëmijët me punën në lulishten e Lezhës

Rudina Bilbili kujdeset çdo ditë për gjelbërimin e qytetit të Lezhës. 8-Marsi është ditë e zakonshme pune për të, pasi me pagën modeste që merr duhet të rrisë 5 fëmijët. Ndjekim rrëfimin e saj për gazetarin Elvis Hila.

Ky 8-mars e gjeti në punë Rudina Bilbilin. Gruaja nga Lezha është nënë e 5 fëmijëve dhe detyrohet të bëjë punë krahu, për të siguruar jetesën e familjes.

Prej 4 vitesh është bërë pjesë e ndërmarrjes së gjelberimit në Bashkinë e Lezhë  dhe kujdeset për hapësirat e gjelbërta të qytetit.

“Puna është e vështirë por jam e kënaqur, kam kohë të punoj dhe të festoj. Nuk e ndërroj këtë punë derisa të dal në pension. Është e vështirë por merr dhe kënaqësi”, tha Rudina Bilbili, punonjëse gjelbërimi.

48-vjeçarja thotë se paga që merr nuk e justifikon mundin, por është e detyruar që të punojë për të siguruar sadopak të ardhura.

“Paga është e pamjaftueshme por s’kemi çfarë bëjmë, duhet të ecim përpara! Në shtëpi vetëm unë punoj me pagë fikse, ndërsa burri kur gjen punë private. Unë do vazhdoj të punoj pavarësisht vështirësive sepse kam 5 fëmijë në shkollë”, u shpreh ajo për mikrofonin e “Report TV”.

Rudina Bilbili është njëra nga 8 gratë e ndërmarrjes së gjelberimit të qytetit, të cilat sifidojnë moshën dhe kushtet atmosferike për të siguruar jetesën.

“Eshtë e vështirë sepse disa herë gratë e ndërmarrjes kanë bërë punë të rënda edhe në kushte të vështira, në mot të ftohtë apo të nxehtë”, tha Shkëlqim Muça përgjegjes i gjelberimit, duke shprehur respekt për punën e Rudinës dhe kolegeve të saj.

Dita Ndërkombetarë e Gruas duhet të jetë një moment reflektimi për mundin dhe sakrificën e nënave shqiptare të cilet vijojnë të përballen me vështiresi ekonomike e sociale.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54