8 marsi, Rrumbullaku mesazh efektiveve: Ju inkurajoj të jeni të motivuara çdo ditë për përmbushjen e detyrës suaj fisnike

Drejtori i Përgjithshëm i Policisë së Shtetit, Muhamet Rrumbullaku iu ka dërguar një mesazh urimi, inkurajimi dhe mbështetjeje, vajzave dhe grave që japin kontributin e tyre në Policinë e Shtetit, në shenjë vlerësimi për profesionalizmin dhe fisnikërinë që transmetojnë çdo ditë gjatë përmbushjes së detyrave të tyre.

“Përshëndetje! Në cilësinë e kolegut, me të cilin bashkëndan sfidat e misionit të Policisë së Shtetit dhe si Drejtor i Përgjithshëm i Policisë së Shtetit, të uroj GËZUAR 8 MARSIN!

LEXO EDHE:
Mali i Zi, sfidat dhe vështirësitë e grave në bashkësinë shqiptare

Të inkurajoj të jesh e motivuar çdo ditë, për përmbushjen e detyrës fisnike që mban, pasi botëkuptimi, mirëqenia dhe vlerësimi yt, qëndrojnë jo vetëm në bërthamën e shoqërisë, por janë edhe parimet më të larta dhe më të pacënueshme të Policisë së Shtetit.

Policia e Shtetit është familja jote e madhe, në të cilën gjen barazi dhe vlerësim, cilësi këto që të japin mundësinë për promovim të vlerave dhe për ecuri në karrierë”, shkruan Rrumbullaku në mesazhin për efektivet.

Lajmi kryesor:

Sot është 8 Marsi, Dita Ndërkombëtare e Gruas! Në sheshin 'Nënë Tereza' vendoset instalacioni 'Këpucët e kuqe'

SI.E./M.Q./Shqiptarja.com

TAG:
• 8 marsi