​Basha takon Glover: Zgjedhjet e
21qershorit pengesë për BE-në

​Basha takon Glover: Zgjedhjet e<br />21qershorit pengesë për BE-në
Kryetari i Partisë Demokratike, Lulzim Basha priti në një takim shefen e Misionit Vëzhgues të ODIHR për zgjedhjet për organet e qeverisjes vendore të vitit 2015, Audrey Glover dhe këshilltarin e lartë për zgjedhjet të OSBE/ODIHR, Richard Lappin.
 
Në këtë takim u shkëmbye këndvështrimi mbi zgjedhjet e 21 qershorit, gjetjet dhe rekomandimet e ODIHR, dhe identifikimin e rrugëve për zbatimin e këtyre rekomandimeve. Gjatë takimit Basha theksoi nevojën urgjente për fillimin e një reforme zgjedhore përmes konsensusit, por nënvizoi se pa vullnetin politik për të zhvilluar zgjedhje të vërteta demokratike, çdo reformë zgjedhore në letër është e pamjaftueshme.
 
Sipas Bashës zgjedhjet e vitit 2015, që organizoi maxhoranca e kryesuar nga Rama dhe Meta, nuk janë të denja për një shtet me statusin e vendit kandidat për në BE dhe përbëjnë pengesë për hapjen e negociatave për anëtarësim. Glover ndau me të shqetësimin për trajtimin e plotë dhe serioz të problemeve të konstatuara nga raporti përfundimtar.

Redaksia Online
(f.s/shqiptarja.com)

  • Sondazhi i ditës:

    Arrestohet Beqaj, po i përmbush SPAK pritshmëritë në luftën e korrupsionit?



×

Lajmi i fundit

Euro 2024/ 120 minuta dhe penallti, Franca kalon Portugalinë dhe gjen Spanjën në gjysmëfinale

Euro 2024/ 120 minuta dhe penallti, Franca kalon Portugalinë dhe gjen Spanjën në gjysmëfinale