Ministri i Shëndetësisë, Ilir Beqaj, ka deklaruar nga Durrësi se 600 mijë persona të pasiguruar përfitojnë shërbim shëndetësor falas njësoj si të siguruarit. Gjithsej, janë 2.9 milionë persona brenda territorit shqiptar që përfitojnë shërbimin, me apo pa sigurime.
 
“Që nga janari 2016, 600 mijë persona ende të pasiguruar përfitojnë vizita falas. Janë 2.9 milionë persona brenda vendit që trajtohen në mënyrë të barabartë, me apo pa sigurime”, tha Beqaj, i cili shtoi se ofrohen 44 vizita të ndryshme, falas edhe për të pasiguruarit.
 
Beqaj shtoi se shpenzimet e familjeve shqiptare për shëndetësinë janë ulur në mënyrë drastike nga viti 2014, ndërkohë që tha se për njerëzit në nevojë do të jepen barna falas.
d.i./Shqiptarja.com