Blutë e Dibrës kanë vendosur në kërkim 55- vjeçarin N.M, pasi akuzohet se ka djegur qëllimisht një sipërfaqe pylli prej 10 dynim.

Burime zyrtare nga policia bëjnë me dije se 55- vjeçari, banues njësin administrative Maqellarë,  është autori i zjarrit, në fshatin Kërçisht, në vendin e quajtur “Krasta e Bogdanit”.

Njoftimi i policisë:  
Shpallet në kërkim një shtetas i cili dyshohet se është autori i djegies së një sipërfaqeje prej 10 dynim (pyll, shkurre- pisha)

Specialistët për Hetimin e Krimit në Komisariatin e Policisë Dibër, kanë shpallur në kërkim policor dhe po punojnë për kapjen e shtetasit :

N.M, 55 vjeç, banues në njësinë administrative Maqellarë-Dibër.

Më datë 10.07.2017, në fshatin Kërçisht i poshtëm, të Njësisë Administrative Maqellarë në vendin e quajtur "Krasta e Bogdanit" është djegur një sipërfaqe toke prej 10 dynim (pyll, shkurre-pisha).

Në përfundim të veprimeve të kryera rezulton  se shtetasi N.M, dyshohet se është autori i zjarrvënies në lidhje me ngjarjen e ndodhur.

Materialet i kaluan  Prokurorisë Dibër për veprën penale "Shkatërrimi i pronës me zjarr", parashikuar nga neni 151 i Kodit Penal.

Redaksia Online
D.T/Shqiptarja.com