​Femra, nëse bëni këto gabime nuk
do martoheni me atë që keni në krahë

Në çastin që mendoni se keni gjetur mashkullin e duhur për të kaluar jetën duhet të bëni kujdes pasi ka disa gabime që meshkujt nuk i falin dhe do ti largoni prej vetes.
 
Psikologët e çifteve, rendisin disa gabime që femrat i bëjnë më së shumti në kohën kur kuptojnë se mashkulli që kanë në krah ka rënë në dashuri me to.
 
Provoni ta ndryshoni atë
Nuk ka asgjë më të keqe për një mashkull se të jetë në lidhje me një femër që ai e pëlqen shumë por që ajo provon menjëherë që ta shndërrojë atë në “projektin e saj”. Qoftë nëse e kritikoni se si vishet, si  ha apo e përqeshni për dukjen në përgjithësi, femrat kanë tendencë ta bëjnë këtë pasi ato janë krijuar për t’u kujdesur për partnerin. Por, meshkujt pëlqejnë të çmohen dhe vlerësohen për atë çfarë janë, jo për atë çfarë ju dëshironi ata të jenë.
 
Nuk e vlerësoni atë çfarë ai bën për ju
Disa femra nuk janë mirënjohëse për sakrificat që meshkujt i bëjnë për to. Ka shumë femra që qëndrojnë në lidhje me një mashkull vetëm për shkak të dhuratave që ai bën. Nuk është ai i vetmi që duhet ta vlerësojë atë çfarë ai bën për ju. Nëse jeni duke e trajtuar dikë në këtë mënyrë, dijeni se do ta humbisni shumë shpejt.
 
Nuk keni besim
Nëse një mashkull e konsideron të ardhmen bashkë me ju, ai ka nevojë që të besojë se ju e respektoni atë dhe e mbështetni. Thellë në shpirt, meshkujt janë si djem të vegjël me dëshirën për t’u rritur dhe për t’u bërë hero, dhe një burrë i mirë, i cili mund ta mbështesë të dashurën apo gruan e tij. Ai madje mund ta rrezikojë jetën për t’ju mbrojtur juve. Për t’ia kthyer ju atij, duhet të ndërtoni një besim të përbashkët, kështu që marrëdhënia juaj nuk do të ketë kurrë probleme.
 
Redaksia Online
Er.K/Shqiptarja.com