​Katër mënyra për të ç’liruar stresin
pa u larguar nga tavolina e punës

Personat që qëndrojnë me orë të zgjatura në tavolinën e punës, përballë një kompjuteri, shpesh ndihen të stresuar dhe duan të dalin, “të marrin pak ajër”.

Por këtë nuk mund ta bëni, pasi mund tju vijë një telefonatë e rëndësishme dhe mund tju hapin problem dhe kjo e rrit stresin akoma më shumë.

Por ka disa mënyra ose le ti quajmë truke, që të hiqni stresin pa u larguar nga tavolina e punës.

Më poshtë po ju rendisim katër mënyra dhe ju zgjidhni kë t'ju duket më e përshtatshme.

Masazhi i veshëve
Duket e çuditshme për t’u praktikuar në vendin e punës, por është një praktikë nga mjekësia tradicionale kineze e cila është dëshmuar se funksionon.
Truku është që veshi të bëhet masazh me butësi, në qendër të pjesës së epërme të veshit. Kjo pikë që quhet pika Shen Men thuhet se e largon stresin dhe shton energjinë, që është pikërisht ajo që ju nevojitet gjatë një të ngarkuar me punë.

Pastroni dhe ndërrojini vendin objekteve mbi tavolinë.
Edhe nëse jeni të ngarkuar me punë, gjeni kohë dhe ndërroni pozicionin e gjërave tuaja dhe pastroni hapësirën e punës.
Kur e keni rregulluar tavolinën tuaj, rregulloni edhe veten. Atëherë mund të vazhdoni punën me energji të re.

Truku me gishtat
Nëse dëshironi t’u jepni pushim gishtave tuaj, atëherë kujdesuni që t’i fërrkoni mirë, por keni kujdes me gishtat e mëdhenj.
Masazhoni kujdesshëm rrathët në gishtat tuaj të mëdhenj, me shumë butësi duke relaksuar muskujt.

Teknika e frymëmarrjes
Kur merrni frymë thellë, që është gjëja më e thjeshtë, ju mund të relaksoheni, por edhe më shumë mund ta bëni këtë nëse praktikoni edhe disa gjëra tjera të vogla.
Shtyni stomakun para që të tërhiqni ajrin sa më poshtë, më pas ç’lironi duke bërë të kundërtën. Punoni pak me muskujt tuaj që të keni tri frymëmarrje, më pas kthehuni në ritmin e zakonshëm. 

Redaksia Online
Er.K/Shqiptarja.com