Një 22- vjeçar kolumbian është arrestuar pasi ka kërçënuar se do të bënte një sulm në koncertin e Ariana Grande, në Costa Rica.

Caicecdo Lopez është arrestuar në orët e para të ditës së diel, ndërkohë që koncerti ka vazhduar sipas planit.

Sipas asaj që raporton BBC, kërcënimet për sulm ishin bërë online dhe ishin të shkruara në gjuhën arabe.

Siguria në koncertet e këngëtares 24- vjeçare ka qenë shumë e lartë pas sulmit terrorist të Manchesterit, ku gjatë koncertit të saj  humbën jetën 22 persona dhe u plagosën disa dhjetëra të tjerë.

Gjatë katër ditëve të ardhshme, këngëtarja do të zhvillojë katër koncerte në Meksikë përpara se të shkojë në Japoni.

 Redaksia Online

(D.T/Shqiptarja.com)