​“Reportazhi” i De Biasit: Po të ishim
në play-off do na shkulnin dhëmbët

Trajneri i kombëtares, Gianni De Biasi ka publikuar në profilin e tij në Facebook një “reportazh” të xhiruar nga telefoni i tij gjatë festimeve në Tiranë për kualifikimin në Kampionatin Evropian.

Xhirimi i videos nis nga momenti që lojtarët e kombëtares zbresin nga avioni. Në sfond dëgjohet presidenti i FSHF-së, Armando Duka duke diskutuar me një nga lojtarët e kombëtares.

“Lojtari X” dëgjohet duke thënë se nëse nuk do të kishin siguruar kualifikim direkt në Evropian, “do t’u kishin shkulur dhëmbët”.