​Manchester United ofron 105
milionë euro për Gareth Bale

Në mediat angleze sot është informacion i ditës se Manchester United i ka propozuar Realit të Madridit, një ofertë zyrtare prej 105 milionë eurosh për Uellsianin Gareth Bale.

Sipas të përditshmes “Daily Star”, klubi anglez, duke parë se Asensio po paraqitet ne top formë me skuadrën madrilene,  mendon se kjo gjë do e bëjë më të lehtë për Realin që të pranojë ofertën për yllin uellsian.

Ndërkohë trajneri i stolit të Realit, Zinedine Zidane këmbëngul se Bale është një futbollist që hyn në planet e tij, edhe pse tifozët e Realit e duan gjithmonë e më pak.

Gjithsesi, drejtuesit e Manchester United shpresojnë që të ulen në bisedime dhe të bien në ujdi me Florentino Perez këto ditë dhe të bëjnë goditjen e madhe në merkato.

Redaksia Online
G.N Shqiptarja.com