Polcia e Sarandës ka arrestuar 29-vjeçarin Enea Qëndro, i cili ka thyer urdhërin e mbrojtjes të vendosur nga gjykata dhe ka ushtruar dhunë fizike dhe psikologjike ndaj nënës së tij.
 
Policia e Sarandës ka bërë arrestimin e tij nën akuzat për dhunë në familje dhe për kundërshtim të vendimit të gjykatës, e cila kishte lëshuar urdhër mbrojtës për nënën e autorit, shtetasen E. Q..
 
Njoftimi i Policisë Sarandë
Thyen urdhrin e mbrojtjes të vendosur nga gjykata, arrestohet në flagrancë nga policia !
 
Më datë 01.09.2017, është arrestuar në flagrancë shtetasi :
 
Enea Qëndro, 29 vjeç, banues në Sarandë.
 
Arrestimi i tij është bërë, pasi ka ushtruar dhunë fizike dhe psikologjike ndaj nënës së tij, duke thyer edhe urdhërin e mbrojtës, që Gjykata e Rrethit Gjyqësor Sarandë kishte vendosur për shtetasen E.Q..
 
Materialet u referuan në Prokurori në ngarkim të tij për veprën penale ''Dhuna në Familje'' dhe ''Veprime në kundërshtim me vendimin e gjykatës'', parashikuar nga nenet 130/a dhe 321/2 të Kodit Penal.
 
Redaksia Online
Er.K/Shqiptarja.com