POP 5

Lajmet më të lexuara të 5 minutave të fundit

Politikë

​Shella për Report Tv: Raporti i
OSBE i vonuar dhe me mangësi

Raporti i publikuar nga OSBE/ODIHR për zgjedhjet e 25 qershorit nxorri në pah disa problematika që prej kohësh dihen shprehur Gert Shellaj, i ftuar në Report Tv. 
Raporti i OSBE/ODIHR për zgjedhjet e 25 qershorit nxorri në pah disa problematika që prej kohësh dihen shprehur Gert Shellaj, i ftuar në Report Tv. 

Gert Shella drejtori i INFOCIP është shprehur se ky ka qenë një raport i vonuar dhe se rekomandimet nuk janë një risi.

“Rekomandimi për shitblerjen nuk është një risi pasi është perceptuar nga mediat dhe publiku prej kohësh”, shprehet Shella.

Shella thotë se në rastin konkret kemi një anashkalim ku OSBE mjaftohet me disa rekomandime dhe përfundime dhe jo me evidenca të cilat janë në sirtarët e OSBE dhe disa prej tyre duhet të publikohen për të mirën e publikut.
 
Sipas Shellës ky raport nuk tha se zgjedhjet patën një progres por që patën probleme dhe kjo sipas tij e bën raportin të ketë mangësi.
 
"Përsa i përket reformës zgjedhore, partisë në pushtet i intereson të mos bëhet reforma zgjedhore, pasi me një kalkulim të thjeshtë pa këtë reformë mund të fitohet më lehtë në zgjedhjet e ardhshme", shprehet Shella.
 
Dy forcat kryesore kanë bërë dakordësi për bërjen e reformës zgjedhore dhe kjo çon në një standard minimalist, i cili shkel disa parime dhe ne jemi të detyruar ta pranojmë këtë realitet, vijon ai.
 
Shella: Vettingu duhet të fillojë sa më shpejt
Në lidhje me Vettingun Shella shprehet se organet e tij duhet të fillojnë sa më shpejt nga puna pasi sipas tij drejtësia e vonuar është drejtësi e munguar.
 
"Organet e vettingut duhet të fillojnë nga puna për të dhënë OK për figurën e gjyqtarëve dhe të çojnë para gjykatave rastet e nevojshme", thotë Shella.
 
Në lidhje me numrin e punonjësve të vettingut Shella thotë se është thjeshtë çështje numrash dhe se duhet sa më parë të fillojë krijimi i organeve.

"Nëse procesi vonohet do të hyjë në hullitë politike, duhet që procesi të jetë i shpejtë”, thekson Shella.
  
I pyetur nëse do të  kete emra te njohur te drejtesise që do të nxjerri ky proces Shella shprehet se kjo mbetet për tu vlerësuar pasi vettingu u zgjodh si një filtër për elementët difektozë të sistemit të drejtësisë.
 
“Brenda sistemit të drejtësisë ekzistojnë dy lloje gjyqtarësh, janë ata që bëjnë detyrën dhe ata që kanë vënë pasuri të mëdha të cilat duhet të ndiqen se si kanë ardhur dhe janë depozituar në duart e gjyqtarëve. Këto pasuri nuk mund të justifikohen sepse ka një argumet kokfortë, gjyqtari paguhet si zyrtar i mesën dhe me ato rroga nuk mund të vihen pasuri të tilla”, përfundon Shella.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03