​Si të eleminoni gurët në veshka
duke përdorur limon dhe uthull

Portali për shëndetin, "Naturalnews.com", na sjell disa këshilla shumë të rëndësishme se si të parandalohen dhe kurohen gurët e veshkave.

Kush e ka provuar dhimbjen që shkaktojnë gurët në veshka e dinë që është një nga dhimbjet më të forta që mund të përjetojë njeriu.

Megjithatë, gurët në veshka nuk kanë nevojë të jenë shqetësim i vazhdueshëm, pasi ka shumë mënyra që ti parandaloni ose ti kuroni pa arritur në ndërhyrjet kirurgjikale.

Përpos që duhet të pihet shumë ujë, të hahet ushqim i pasur me kalcium, magnez dhe vitaminë B, është interesant që limoni ose uthulla e mollës mund të ndihmojnë ne luftën kundër gurëve në veshka.

Shtimi i limoni të freskët ose uthullës së mollës në ushqim ose në pijet që konsumoni gjatë ditës do të ndihmojë në shërimin e trupit tuaj, dhe përveç kësaj në mënyrë efikase edhe do të parandaloni formimin e gurëve të veshkave.

 “Në simptomat e para të dhimbjes në veshkë të shkaktuar nga gurët, përzieni vajin e ullirit dhe lëngun nga limoni organik, pini përzierjen menjëherë me një gotë uji pastër. Prisni gjysmë ore dhe pastaj shtrydhni lëngun e një gjysmë limoni dhe përzini me një gotë uji të pastër, shtoni një lugë uthull molle dhe pijeni”, shkruan dr. Edward F. Group në blogun Natural Health & Organic Living Blog.

Këto lëngje konsumojini dy deri në tri herë në ditë, deri kur simptomat të jenë zhdukur dhe mos të ndieni më dhimbje të veshkave. 

Redaksia Online
Er.K/Shqiptarja.com