POP 5

Lajmet më të lexuara të 5 minutave të fundit

Bota

9 ditë luftime në Nagorno-Karabakh/ Palët akuzojnë njëra-tjetrën për sulme ndaj popullsisë civile

Nëntë ditë pas fillimit të konflikteve në Nagoprno Karabakh, palët filluan të akuzojnë njëri-tjetrin për sulme me raketa ndaj popullsisë civile. Mbi 200 raportohet numri i viktimave ushtarake ndërsa në Azerbajxhan njoftohet se ka arritur në 19 numri i civilëve të vrarë.

Kanë kaluar nëntë ditë që nga nisja e konfliktit mes Armenisë dhe Azerbajxhanit dhe palët vazhdojnë të fajësojnë njëri-tjetrin për sulme ndaj zonave civile.  

Të hënën, zyrtarët e Nagorno-Karabak thanë se forcat Azere filluan sulmet me raketa në qendrën e saj administrative, Stepanakert.

Në anën tjetër ministria e mbrojtjes së Azerbajxhanit tha se forcat armene po bombardojnë tre qytete të saj - Beylagan, Barda dhe Terter – pasi fillimisht kishin goditur qytetet e Ganjas dhe Mingecevirit.

Hikmet Hajiyev, një zyrtar azer, shkroi në Tëitter se katër raketa balistike Tochka ishin lëshuar në Mingecevir, qyteti i cili ka një popullsi prej më shumë se 100,000 dhe ndodhet 100 km (62 milje) nga kufiri i Armenisë. Akuza të cilat u hodhën poshtë nga Shushan Stepanyan, sekretarja e shtypit për ministrinë e mbrojtjes armene.

Burimet armene kanë thënë që numri i të vdekurve nga luftimet në rajon ka arritur në më shumë se 200, ndërsa Azerbajxhani tha se 19 civilë janë vrarë dhe 60 të plagosur.

Azerbajxhani dhe Armenia kanë zhvilluar një luftë mbi Nagorno-Karabakun në fund të viteve 1980 dhe në fillim të viteve 1990, luftë e cila përfundoi në një traktat paqje në 1994.

Luftimet kanë ngritur shqetësim ndërkombëtar për stabilitetin në Kaukazin e Jugut, ku tubacionet transportojnë naftë dhe gaz  nga Azerbajxhani në tregjet botërore dhe për mundësinë që fuqitë e tjera rajonale mund të tërhiqen  në konflikt pasi Azerbajxhani mbështetet nga Turqia dhe Armenia ka një pakt mbrojtjeje me Rusinë. 

Kryqi i Kuq dënoi bombardimet pa kriter dhe sulmet me armë vdekjeprurëse në qytete dhe zona të tjera të populluara.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02