POP 5

Lajmet më të lexuara të 5 minutave të fundit

Katër firma në garë për rrugën "Myslym Shyri"

Katër firma ndërtuese në garë për "Myslym Shyrin". Në fazën e parë të tenderit janë paraqitur firmat "Euroteorema", "2K", "Alb Konstruksion" dhe "Gjikuria".
TIRANE (7/13/2001) Katër firma ndërtuese në garë për "Myslym Shyrin". Në fazën e parë të tenderit janë paraqitur firmat "Euroteorema", "2K", "Alb Konstruksion" dhe "Gjikuria". Nga komisioni i tenderimit këtyre firmave u kontrolluan vetëm dokumentacionin ligjor, ndërsa përcaktimi i fituesit pritet të shpallet javën që vjen. Në komision kanë qenë të pranishëm dhe dy anëtarë të komunitetit, që do të japin mendimin e tyre në lidhje me firmën që do të rikonstruktojë rrugën e tyre. Te rruga "Myslym Shyri" po zhvillohet i pari projekt bashkëfinancimi mes Bashkisë dhe shitësve, për të pasur një rrugë karakteristike tregtare. Në Ndërmarrjen e Tregjeve e Taksave banorët kanë derdhur kontributet, ndërsa të tjerë vazhdojnë ende të paraqiten pranë saj për të paguar paratë e fazës së dytë. I gjithë projekti në rrugën "Myslym Shyri" kushton 70 milionë lekë, ndërsa kohëzgjatja e punimeve do të jetë 80 ditë. Në këtë segment rrugor do të ndërhyhet në trotuaret, rrugët, kanalizimet, gjelbërimin, si dhe ndriçimin rrugor. Projekti për rikonstruksionin e rrugës "Myslym Shyri" nisi që në fillim të vitit 2001. Ka qenë vetë kryetari i Bashkisë së Tiranës, Edi Rama, që ka zhvilluar tri mbledhje me tregtarët e kësaj rrugë, për të rënë dakord mbi çmimin dhe kushtet lehtësuese që Bashkia do t'u krijojë këtyre të fundit. Tregtarët kërkuan nga Rama mundësinë për të parkuar në të dyja anët e rrugës, si dhe ndërtimin e trotuareve edhe në pjesët e rrugës ku ato mungojnë. Nga Bashkia u premtua realizimi i kërkesave të tregtarëve dhe tani projekti është në fazën e tenderimit. Mendohet që firma fituese të shpallet javën që vjen dhe, pas saj, të fillohen menjëherë punimet. I njëjti projekt bashkëfinancimi u mendua të realizohej edhe në rrugën "Çamëria", por duket se tregtarët dhe bashkiakët nuk kanë rënë dakord për kushtet. Kështu, tregtarët kanë kërkuar që, para se të derdhin kontributet, të shohin projektin, ndërsa bashkiakët nuk kanë pranuar një kusht të tillë, duke thënë se te kjo rrugë mund të ndërhyjnë edhe me fondet e veta. Projekt tjetër bashkëfinancimi po realizohet edhe në bulevardin "Zogu I".

//Shqiptarja.com
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja