A do ta shkatërrojë Facebook-u shoqërinë tonë? 5 sekondat e heshtjes së Zuckerberg janë përgjigjia

"A mund të konsiderohet Facebook një përshpejtues i shkatërrimit të shoqërisë?". 

Përballë kësaj pyetjeje, Mark Zuckerberg, CEO dhe babai i platformës, hezitoi të përgjigjej për pesë sekonda, gjatë të cilave nuk tha asnjë fjalë, por pastaj deklaroi se 
beson në demokraci dhe se shpreson që ky besim të mos tradhtohet.

Pyetja dhe përgjigjja ndodhën gjatë programit "Axios on HBO". Bashkëthemeluesi i rrjetit social u pyet për të ardhmen e krijesës së tij, i akuzuar për përhapje mashtrimesh, mendimesh ekstremiste, për promovim të përmbajtjes partizane. 

Si do të gjykohet Facebook nga historia? 

Me 2.5 miliardë përdorues aktivë në të gjithë botën, a mund të luajë vërtet një rol në "shkatërrimin" e shoqërisë?
“Ajo që ne bëjmë, dhe ajo që unë mendoj se e bën në përgjithësi Interneti, është për të fuqizuar individët. Facebook u jep njerëzve më shumë zë për të ndarë përvojat e tyre, ”tha Mark Zuckerberg

Ndërsa i ka shpallur luftë lajmeve të rreme duke hequr përmbajtjet false për Covid-19, duket se e ka të vështirë të vendosë kufirin midis së drejtës dhe së gabuarës. 

Si në rastin e postimeve të ithtarëve të no-vax.

Zuckerberg pranoi se kishte disa probleme: "Nëse dikush dëshiron të ndajë një rast në të cilin vaksina ka bërë dëm ose nëse dikush dëshiron të tregojë se ata janë të shqetësuar për vaksinën, është e vështirë nga këndvështrimi im të them se këto mendime nuk duhet të shprehen ".

Gjatë intervistës, Zuckerberg gjithashtu u përpoq të mbronte algoritmin, i akuzuar për favorizimin e disa llojeve të postimeve - “Algoritmi nuk shkon drejt gjërave që mund të shkaktojnë zemërim te njerëzit. Kështu nuk funksionon sistemi ynë. Algoritmi tregon vetëm gjëra që i konsideron domethënëse ”. 

“Dinamika as për mua nuk është e qartë dhe kjo është gjë e keqe. Mund të them vetëm se historitë që përfshijnë më shumë përdorues janë të njëjtat për të cilat flasim çdo ditë, historitë 'trend',- shtoi ai. 

Zuckerberg mohoi që Facebook vepron si një bord i zhurmshëm me përmbajtje te krahut të djathtë dhe gjithashtu sqaroi pse postimet konservatore janë shpesh ato më të klikuarat
 

TAG:
• facebook
• Mark Zuckerberg
• Koronavirus