A është mungesa e seksit fajtore për puçrrat? Zbuloni gjithçka rreth akneve

A shkaktohen aknet për shkak të mungesës së seksit? Për të mësuar më shumë për këtë, ky studim sjell disa pyetje që “i mundojnë” të gjithë dhe përgjigje mbi motivet pse na shfaqen akne.

Aknet prekin vetëm adoleshentët dhe gratë?
Aknet janë problemi dermatologjik më i zakonshëm tek adoleshentët (70%-80% e adoleshentëve kanë akne). Mirëpo, nuk ka të bëjë vetëm me ta, por edhe shumë të rritur, burra dhe gra, të cilët shqetësohen shumë kur shohin se aknet e tyre adoleshente nuk u janë larguar asnjëherë ose që shfaqen papritur në të 30-at me puçrra në fytyrë.

Është një sëmundje ngjitëse?
Bazuar në patogjenezën e sëmundjes, një mendim i tillë nuk është i vërtetuar.

Është për shkak të higjienës së keqe?
Nëse dikush e beson këtë mit, së shpejti do të zbulojë se pastrimi i vazhdueshëm i fytyrës do të irritojë më tej lëkurën dhe do të përkeqësojë aknet. Qasja ideale ndaj higjienës së akneve duhet të përfshijë: larjen e fytyrës në mëngjes dhe në mbrëmje me një pastrues të butë, tharje të butë me një peshqir të pastër dhe aplikimin e trajtimit të rekomanduar nga dermatologu.

Është për shkak të mungesës së seksit?
Nuk ka asnjë studim shkencor që tregon se marrëdhëniet seksuale shkaktojnë, përkeqësojnë ose përmirësojnë aknet.

Është për shkak të dietës?
Deri më sot, studime të ndryshme shkencore nuk kanë arritur të lidhin dietën dhe aknet. Kjo praktikisht do të thotë se dieta nuk mund të shkaktojë akne. Ushqimet si pica, patate të skuqura apo edhe çokollata nuk çojnë në akne. Sigurisht, ka njerëz që besojnë se disa ushqime ndikojnë tek ata. Nëse i përkisni kësaj kategorie, thjesht shmangni këto ushqime. Në fund të fundit, mbajtja e një diete të ekuilibruar në përgjithësi ndihmon në gjendjen e mirë fizike!

Është për shkak të stresit?
Stresi i përditshëm i stilit të jetesës moderne nuk është një faktor në përkeqësimin e akneve. Ankthi i vazhdueshëm që kërkon trajtim mjekësor shpesh trajtohet me medikamente që mund të shkaktojnë puçrra fytyre si një efekt anësor.

Nuk ka shërim, por do të kalojë vetë?
Ashtu si sëmundjet e tjera të lëkurës, aknet duhet të trajtohen. Disa forma të akneve, të tilla si puçrrat cistike, mund të shkaktojnë plagë të shëmtuara në fytyrë ose pjesë të tjera të trupit. Është e sigurt që sa më herët të fillojë trajtimin e duhur, aq më shpejt do të përmirësohet imazhi i lëkurës së tij.

Dielli shëron aknet?
Ekspozimi në diell mund të bëjë përkohësisht lëkurën e irrituar dhe puçrrat më pak të dukshme, por nuk mund të shërohet. Në verë, duhet përdorur një krem ​​kundër diellit (veçanërisht për fytyrat e prirura ndaj akneve) për të shmangur zbardhjen e lezioneve të fundit të akneve të shkaktuara nga dielli.

B.K./Shqiptarja.com

TAG:
• akne