A ka ndryshuar qëndrimi i Vuçiç ndaj Kosovës pas deklaratës në 2015? Rama intervistë për Report Tv: Dialogu, e vetmja zgjidhje për të marrë atë që na takon

 

Kryeministri Edi Rama në një intervistë për Report Tv nga Beogradi, u pyet nëse ka ndryshuar qëndrimi i Vuçiç pas deklaratës së tij të famshme në vitin 2015 kur tha se Kosova është shtet i pavarur. Rama tha se s’mund të bëjë komente të kësaj natyre pasi mund të ishin spekulime. Ai tha se rruga e dialogut, është e vetmja rrugë për të gjetur zgjidhje.

“S’është e lehtë, por është e vetmja rrugë, është në interes të popullit shqiptar, në Kosovë dhe Shqipëri, t’i hyjnë kësaj rruge me gatishmëri dhe vullnet për t’ia dalë dhe për të marrë atë që i takon.”-tha Rama.

LEXO EDHE:
Ylli Pata: Skema sekrete e opozitës anti-SPAK, kush do të jetë dyshja e 're' për 2025-n

Sa i përket qëndrimit të SHBA që mbështet ‘Open Balkan’ duke kërkuar praninë e 6 shteteve, Rama e komentoi duke thënë se këto 6 shtete është mirë të bashkohen.

“Kjo s’do të thotë që ne të mbyllim derë edhe të presim që të tjerët të vijnë, dhe të hapim derën bashkarisht, dera është e hapur, por askush s’është i detyruar.”-tha Rama.

Lajmi kryesor:

Ekskluzive/ Rama flet në 'Repolitix' nga Beogradi: Zgjatja e vettingut, jo kërkesë e PS, por e SHBA! ‘Presidenti i ri? Kushdo të jetë, do jetë më i mirë se Meta

/SI.E./Shqiptarja.com

TAG:
• edi rama
• beograd
• Ilir Meta
• denis minga
• repolitix
• luzlim basha
• ballkani i hapur
• Open Balkans