A mund të ndodhë nesër një takim Rama-Basha?

Nesër deri në datë 2 mars  në Tiranë dhe Lezhë do të zhvillohet Samiti i Dytë i Diasporës. Të ftuar do të jenë shumë personalitete nga Kosova dhe Maqedonia.

Report Tv ka zbardhur axhendën e samitit të Diasporës, ndërsa i ftuar është edhe kryetari i Partisë Demokratike, Lulzim Basha i cili është përcaktuar që të mbajë fjalën i parafundit, pasi programi i ditës së parë të samitit do të mbyllet me fjalën e kryeministrit Edi Rama. Por a do të marrë pjesë lideri i PD-së në samitin e Diasporës?

Një gjë e tillë pritet për t'u parë nesër, pasi opozita po vijon aksionin opozitar pas largimit nga parlamenti dhe nisjes së protestave. Basha dhe Kryemadhi kërkojnë largimin e qeverisë Rama nga pushteti, por kryeministri është shprehur i vendosur se zgjedhjet e ardhshme parlamentare do të jenë vetëm në vitin 2021, pra në fund të mandatit. Ndërkombëtarët hoqën dorë nga negocimi për daljen nga kriza politike në Shqipëri duke e cilësuar si cështje të brendshme që duhet ta zgjidhim vetë (lexo ketu).

Axhenda e samitit te Diaspores

TAG:
• samiti i diaspores