VD/ A ndiheni të rrezikuar nga shkarkimi në shtator? Bushati e Majko ikin me vrap

Dy ditë pasi kryeministri i paralajmëroi se në shtator disa prej ministrave mund të humbasin karriget, anëtarët e kabinetit “Rama 2” preferojnë të heshtin, ndërsa vrapojnë për të rritur performancën në detyrë.

Ministri i Punëve të Jashtme, Ditmir Bushati, e përcjell me buzëqeshje dhe heshtje pyetjen nëse mund të jetë një nga të rrezikuarit në qershor, edhe pse mbi supe mban një barrë të rëndë, një thikë me dy presa, përgjegjësinë e negociatave me Greqinë.

Pandeli Majko, edhe pse ministër pa portofol që kujdeset për shqiptarët jashtë atdheut, nxiton, e po ashtu hesht.

LEXO EDHE:
Majko ironi me Bardhin: I shkon Berishës në protestat poshtë ballkonit, kjo ‘organizata kriminale’ e SPAK a jep drejtësi?

Të dy ministrat, së bashku me kolegen e drejtësisë, Etilda Gjonaj ishin në një tryezë mbi të drejtat e shqiptarëve që janë në burgjet nëpër botë. Numri i tyre është i lartë, sipas ministres së Drejtësisë.

Etilda Gjonaj tha se: “Në 6 vendet me të cilat ne kemi bashkëpunim e shkëmbim më të lartë, llogariten rreth 4500 shqiptarë me liri të kufizuar.”

Majko u zotua: “Ne do të nisim një fushatë të përfaqësimit të tyre me asistencë juridike jashtë vendit”.

Nënkryetarja e Kuvendit, Vasilika Hysi tha se shqiptarët nuk mund të stigmatizohen, pasi jashtë vendit, ata kur kryejnë krime i kryejnë në bashkëpunim edhe me qytetarë vendas.

TAG:
• ditmir bushati
• pandeli majko

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11%

• Të gabuar

  84.2%

• Nuk e di

  4.8%

Vota total: 3820

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di