Një vit e 3 muaj më parë, dhe pikërisht në mesnatën e 17 majit 2017, zoti Basha zbuti tonet, uli “armët”, fshiu paralajmërimet dhe ultimatumet ndaj kryeministrit Rama, bëri hasha gjithçka u premtoi demokratëve nga çadra e lirisë , dhe firmosi bashkëqeverisjen me socialistët, duke deklaruar se “ne fituam”. Dhe pranoi jo pak, por mbi 6 muaj të plota bashkëqeverisje me ata që i quante “trafikantë, të korruptuar, të lidhur me krimin”, madje duke urdhëruar të vetët “tu shponin gomat e makinave, ti thyenin xhamat e dritareve dhe ti nxirrnin me shkelma nga zyrat e tyre qeveritarët”.
Fillimisht gjithçka dukej si serioze, dukej si revolucion i nisur nga zoti Basha për të rrëzuar qeverinë Rama për të rimarë pushtetin e humbur në 2013, pasi shprehej se “nuk ka njeri të ndalë Republikën e Re”. Por e gjitha ishte një lojë, një show, një shfaqje teatrale e cila u kuptua me vonesë nga vullnetarët e çadrës së “lirisë” që nuk ngopeshin me sufllaqe dhe coca-cola falas , por ishte nuhatur nga pasanikët që vinin të parfumosur dhe me makina të shtrenjta atje sa për tu dukur.
Zoti Basha hyri në bashkëqeverisje dhe e pranoi pa kushte edhe rezultatin e zgjedhjeve, duke njohur publikisht humbjen si rezultatin real të partisë tij. Analiza nuk u bënë, por thjesht u pranua nga zoti Basha autorësia e listës dhe “puna e dobët e strukturave, dhe angazhimi këtej e tutje për të rrëzuar deri në dhjetor qeverinë”. Pra edhe pse kishte ministrat në qeverisje, edhe pse njohu humbjen si rezultatin real të partisë, po që në fakt ishte humbja e tij, ai nuk rreshti së kërkuari pushtetin e humbur. Vetëm pas 60 ditësh zoti Basha deklaronte se “zgjedhjet u manipuluan, u blenë, u vodhën”, edhe pse ministër i Brëndshëm ishte njeriu i tij, edhe pse ministër i Drejtësisë ishte njeriu i tij pasionant, dhe harroi (me dashje) se humbja mbante firmën e tij. Muajt kalonin, (ai u rizgjidh edhe kryetar partie) dhe zoti Basha sërish, nuk e kuptonte se duhej të angazhohej seriozisht në misionin e tij të opozitarit. Ai edhe sot nuk ka kuptuar se është në opozitë, pasi ëndërron të jetë sërish në qeverisje, mendon se pikërisht bashkëqeverisja me Ramën, është opozita më e mirë ndaj tij.
Prej 1 viti e 3 muaj, zoti Basha nuk rresht së nxjerri në ekrane dhe faqe gazetash ish-ministrat e tij të cilët bashkëqeverisën me Ramën në 2017, duke i cilësuar ata si “bashkëpunëtorë të shkëlqyer, që kontribuan pozitivisht për aq kohë sa ishin me poste ministrore”. Sa të dobishëm ishin ata si ministra, këtë e vërtetoi koha dhe rrumpalla që gjetën pasardhësit e tyre në zyra pas formimit të qeverisë së re.
Por le të kthehemi tek zoti Basha sot, tek PD sot, tek opozita sot, për të gjetur qoftë edhe një të vetme arsye për të thënë se “kjo parti meriton ti japësh votën nesër në zgjedhje”. Por prej 15 muajsh, kjo opozitë merret vetëm me lajme dhe thashethushe skutash, merret vetëm me emra të lakuar dhe të përgojuar në media dhe procesesh gjyqsore, sulmon ministra dhe deputetë të shumicës (dhe mirë bën kur ka fakte) harton dhe mohon pastaj statistika krimi, punësimi, investimi, por asnjëherë duke u marrë me problemin por vetëm me thashethemin. Sulmon ambasadorë të huaj, akuzon qeverisjen dhe kryeministrin Rama se “ka blerë për interesat e tij me para trafiku dhe krimi pothuajse të gjithë ambasadorët e huaj” veçanarisht duke vënë theksin tek ai i SHBA dhe BE.
Kulmi është kur përmes ish-ministrave të tij të “suksesshëm” kjo opozitë sulmon edhe strukturat e BE në Bruksel, vetëm sepse ata vlerësojnë ecurinë pozitive të reformave duke inkurajuar Shqipërinë të vazhdojë rrugën e nisur. Padyshim zoti Basha, duket sikur kërkon të ketë edhe meritën e hapjes së negociatave me BE deri në afatin e caktuar, duke zgjedhur rrugën e gabuar të bërjes opozitë, duke nxirë gjithçka pozitive. Sipas tij dhe ish-ministrave të tij “të suksesshëm” që dalin dy herë në ditë para mediave duke lexuar deklarata shtypi, vendi do të hapë negociatat vetëm “duke patur në qeverisje PD”. Për të rimarë pushtetin, natyrisht duhet të presë akoma, por a nuk duket se zoti Basha duke mos ditur të bëjë opozitë, po kërkon me ngulm të bashkëqeverisë sërish me socialistët?
Lajme të tjera
-
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Rama: Ku janë sot përfaqësuesit e UÇK-së që Rexhep Qosja i kërkonte në udhëtimin historik drejt Rambujesë
21 Dhjetor, 13:11
