POP 5

Lajmet më të lexuara të 5 minutave të fundit

Kronikë

Prishja e barrierës së rrugës për karburantin/ Në burg 2 zyrtarë të ARRSH-së në Durrës, një në arrest shtëpie! 6 në kërkim, mes tyre biznesmeni Mustafa Koka (EMRAT)

Operacioni sot në mëngjes nga policia dhe prokuroria e Durrësit. Dyshime se drejtorë dhe inxhinjerë të ARSH-së abuzuam me detyrën për një vlerë 200 milion lekë. Pritet të mësohen emrat e të arrestuarve në vijim

Ndërtimi i një karburanti në aksion rrugor “Plepa-Kavajës” dhe miratimi i një leje për hyrje-dalje në rrugën kryesore, ka sjellë arrestimin e disa zyrtarëve të Autoritet Rrugor Shiptar në Durrës. Për momentin në pranga kanë rënë tre persona ndërsa në kërkim janë dhe disa të tjerë.

Operacioni është kryer sot në mëngjes nga policia dhe prokuroria e Durrësit, ku mësohet se të proceduar për këtë çështje janë disa drejtorë dhe inxhinierë të lartë të Autoritetit Rrugor në Durrës. “Shqiptarja.com” mëson se bëhet fjalë për një dëm financiar prej mbi 200 milion lekë të vjetra, që ka sjellë ngritjen e një çështje penale në policinë dhe prokurorinë e Durrësit. Mëngjesin e sotëm, kjo dosje është konkretizuar me arrestimin e tre personave zyrtarëve të ARSH-së, dhe se operacioni vijon të jetë ende në zhvillim e sipër.

Ndërkohë është shpallur në kërkim biznesmeni i karburanteve Mustafa Koka, i cili nuk është arritur të gendet nga policia. Mustafa Koka, sipas burimeve të policisë është ndërtuesi i një karburanti në rrugën kombëtare që lidh zonën e Plepave me Kavajë. Burimet shtojnë se për këtë karburant ai është shpronësuar me mbi 200 milion lekë të vjetra nga ARRSH, pasi sipërfaqen e truallit dhe karburantit ia kapte plani për zgjerimin e rrugës.

Por nëpërmjet dokumentave të falsifikuara, Mustafa Koka, dhe me ndihmën e zyrtarëve të ARRSH-së, të cilët thonë burimet kanë shpërdoruar detyrën, Koka ka prishur barrierën mbajtëse të rrugës, duke krijuar hyrje-dalje në rrugën kryesore të paligjshme.

Ky veprim është kryer me argumentin se sipërfaqja e tokës ku është ndërtuar rruga, vijonte të ishte e biznesmenit Mustafa Koka, kur në fakt nga verifikimi i dokumentacionit, ky i fundit rezultonte të ishte shpronësuar nga ARRSH-ja, disa vite më parë. Prishja e barrierës së rrugës nga biznesmeni Koka, është kryer pasi disa metra më larg ai ka ndërtuar një karburant tjetër.

Rendit zhvillimet sipas orarit:
Ora 15:39
Abuzuan me detyrën/ Burg për 2 zyrtarë të ARRSH, një në arrest shtëpie, 6 të tjerë në kërkim

Zbardhen masa e sigurisë për zyrtarët e ARRSH të arrestuar në Durrës, nën akuzë për shpërdorim detyre dhe ndihmë për ndërtim pa leje.

2 prej tyre janë lënë në burg, 1 arrest shtëpie dhe 6 në kërkim.

U ekzekutuan masat e sigurisë "Arrest në burg" ndaj shtetasve:

Lekë Tushaj 50 vjeç, banues në Tiranë, me detyrë inxhinier pranë ARRSH Durrës, për veprën penale "Shpërdorimi i detyrës";

Kastriot Braha 56 vjeç, banues në Tiranë, me detyrë inxhinier pranë ARRSH Durrës, për veprën penale "Shpërdorimi i detyrës";

Masa e sigurisë "Arrest në shtëpi" për shtetasin Agron Hasanaj 63 vjeç, banues në Tiranë, me detyrë inxhinier pranë ARRSH Durrës, të cilit Gjykata e Shkallës së Parë Durrës i ka caktuar këtë masë për veprat penale "Shpërdorimi i detyrës" dhe "Falsifikimi i dokumenteve".

Në vijim të operacionit u bë shpallja në kërkim e shtetasve:

 Afërdita Basha 48 vjeçe, Dhurata Lazaj 55 vjeçe, Astrit Zenelaj, 56 vjeç dhe Spartak Tarka, 47 vjeç, banues në Tiranë, me detyrë inxhinier pranë ARRSH Durrës, pasi Gjykata e Shkallës së Parë Durrës iu ka caktuar masat e sigurisë "Arrest në burg", për veprën penale "Shpërdorimi i detyrës".

Xhevat Vataksi 62 vjeç, banues në Shkodër, me detyrë ndërtues, pasi Gjykata e Shkallës së Parë Durrës i ka caktuar masën e sigurisë "Arrest në burg", për veprën penale "Dhënia e ndihmës për ndërtim të paligjshëm" kryer në bashkëpunim.

Rezart Arkaxhiu 36 vjeç, banues në Tiranë, me detyrë ndërtues, për veprën penale "Dhënia e ndihmës për ndërtim të paligjshëm" kryer në bashkëpunim.

Vijon puna për dokumentimin ligjor të plotë të kësaj veprimtarie, si dhe për kapjen e personave të tjerë të përfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë Durrës, për veprime të mëtejshme.

Ora 13:08
Zbardhen emrat e zyrtarëve të ARRSH të arrestuar në Durrës

Zbardhen emrat e zyrtarëve të ARRSH të arrestuar në Durrës, nën akuzë për shpërdorim detyre dhe ndihmë për ndërtim pa leje

"Prokuroria pranë Gjykatës së Shkallës së Parë Durrës në kuadrin e hetimeve të gjithanshme që po kryen dhe sidomos në hetimin e veprave penale që  kanë të bëjnë me shpërdorimin e detyrës dhe të tejkalimit të kompetencave që ligji i ka ngarkuar punonjësve të administratës shtetërore ka regjistruar çeshtjen penale për veprën penale “Shpërdorimi i detyrës”, parashikuar nga neni 248 i Kodit Penal si dhe për vepren penale të “Dhenia e ndihmës për ndertimin e paligjshëm”, kryer në bashkëpunim, parashikuar nga nenet 199/b dhe 25 të Kodit Penal.

 Faktet mbi të cilin është regjistruar ky procedim kanë të bëjnë me një sërë aksidentesh automobilistike që kanë ndodhur në rrugën nacionale Plepa Kavajë dhe konkretisht në kilometrin e  tretë, ndodhet një pikë furnizimi me karburant, i cili dyshohet se është ndërtuar dhe ka marë leje në kundërshtim me ligjin, Kodin Rrugor  LIGJ 8387 /1998, i ndryshuar me Ligjin Nr.10 488, datë 5.12.2011 dhe VKM Nr.153 datë 07.04.2000 “Për miratimin e Rregullores në zbatim të Kodit Rrugor të Republikës së Shqipërisë”, e ndryshuar VKM Nr. 298, datë 8.4.2015.

Për këtë rast janë kryer hetime ndaj të dyshuarve Agron Hasa,  Kastriot Braha, Aferdita Basha e Dhurata Lazaj si specialiste inxhiniere të ARSH, Spartak Tarkaj, Astrit Zenelaj,  Leke Tushaj  me cilësinë e drejtorëve të drejtorive të ARSh-së, anëtarë të Keshillit Teknik, të cilët kanë konsumuar elemente të figurës së veprës penale të “Shperdorimi i detyres”, parashikuar nga neni 248 i Kodit Penal dhe të vepres penale të “Dhënia e ndihmës për ndërtimin e paligjshëm”, kryer në bashkëpunim, parashikuar nga nenet 199/b dhe 25 të Kodit Penal.

Mbi bazen e këtyre fakteve Prokuroria pranë Gjykatës së Shkallës së Parë  Durrës është drejtuar me kërkesë në Gjykatë për caktimin e masave të sigurimit ndaj tyre dhe me datë 14.10.2020 është bërë ekzekutimi i masave të sigurimit të caktuara ndaj shtetasve Agron Hasa, Kastriot Braha , Aferdita Basha, Dhurata Lazaj, Astrit Zenelaj, Spartak Tarka, Lek Tushaj, Rezart Arkaxhiu,Xhevat Vataksi.

Dhe një herë shprehim vendoshmërinë e Prokurorisë pranë Gjykatës së Shkallës së Parë Durrës për zbatimin me korrektësi të ligjit me qëllim vënien para përgjegjësisë penale të gjithë atyre punonjësve shtetëror të cilët në mënyrë të kundraligjshme përfitojëe nga funksioni që i është dhënë dhe nxjerrin përfitime materiale për të  tretët ose për vete duke dëmtuar pasurinë shtetërore dhe duke sjellë pasoja të rënda për interesat e shtetit dhe të shtetasve në përgjithësi", thuhet në njoftimin zyrtar.

B.K./Shqiptarja.com

/I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së

Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së

25 Dhjetor, 21:51