Abuzuan me profesionin duke punësuar persona jo farmacistë, iu heq licencat 8 farmacistëve për 3 vite

Urdhri i Farmacistëve iu ka hequr licencat 8 farmacistëve pasi kanë abuzuar me profesionin. Licenca u është hequr për 3 vite duke mos pasur të drejtë të ushtrojnë profesionin e tyre dhe gjithçka ndodhi pas kontrolleve që Urdhri i Farmacistëve ka ushtruar në disa farmaci, ku janë kapur duke ushtruar detyrë persona që nuk ishin farmacistë.

Kontrollet janë ushtruar në 10 farmaci dhe janë pezulluar 8 drejtuesit teknik të tyre duke iu hequr licenca e farmacistit për 3 vite. Në bazë të rregullores së Komisionit të Regjistrimit dhe Dhënies së të Drejtës së Ushtrimit të Profesionit, Urdhri i Farmacistëve u ka hequr për një periudhë 3 vjeçare të drejta e ushtrimit të funksionit të drejtuesit teknik farmacistëve të mëposhtëm:

1. Znj, A.M. Drejtuese Teknike në farmacinë  “Ori Pharma”

2. Znj. M.N drejtuese teknike në farmacinë “Ditë e Natë 5”

3. Znj. D.M , drejtuese teknike në farmacinë “Ditë e Natë”

4. Znj. S. M. drejtuese teknike në farmacinë “Ditë e Natë 8”

5. Znj. F.E. drejtuese teknike në farmacinë “Farmanet Albania 12”

6. Znj. T.K.  drejtuese teknike në farmacinë “Farmavitta 9”

7. Znj. E.B. drejtuese teknike në farmacinë “Farmacia Greke”

8. Znj. V.M , drejtuese teknike në farmacinë “Fiori”

Konkretisht kontrolle janë ushtruar në farmacitë:

1. Në farmacinë  “Ori Pharma” u gjend duke shërbyer një person jo farmacist

2. Në farmacinë “Ditë e Natë 5” u gjend duke shërbyer një person jo farmacist

3. Në farmacinë “Ditë e Natë” u gjend duke shërbyer një person jo farmacist

4. Në farmacinë “Ditë e Natë 8” u gjend duke shërbyer një person jo farmacist

5. Në farmacinë “Fiori” u gjend duke shërbyer një person jo farmacist

6. Në farmacinë “Farmanet Albania 12” u gjend duke shërbyer një person jo farmacist

7. Në farmacinë “Farmavitta 9” u gjend duke shërbyer një person jo farmacist

8. Në farmacinë “Farmacia Greke” u gjend duke shërbyer një person jo farmacist.

10. Farmacitë  e rrjetit ”Farma Net Albania” kanë të vendosura tabela “- 10 % për të gjitha produktet”

Urdhri i Farmacistëve bën thirrje që kushdo që ushtron funksionin e drejtuesit teknik, duhet të mbikëqyri aktivitetin e subjektit farmaceutik gjatë gjithë kohës që qëndron i hapur, të sigurohen që në farmaci shërbejnë vetëm farmacistë të pajisur me certifikatë nga UFSH, si dhe që gjithë veprimtaria e subjektit të zhvillohet bazuar në legjislacionin farmaceutik duke respektuar të gjitha aktet ligjore dhe nënligjore mbi të cilat funksionin shërbimi farmaceutik.

Njoftimi i Urdhrit të Farmacistëve

Njoftimi i Urdhrit të Farmacistëve

I.K/b.ha./Shqiptarja.com

TAG:
• Farmacistet
• urdhri i farmacisteve
• licenca